´óÏó´«Ã½

Gu tric tha e furasta a bhith a’ gearan gu bheil cus uisge againn, a’ sileadh às na speuran air neo a' laighe na lochan air uachdar na talmhainn. Ach dè a thachras nuair a tha uimhir ann is gun cuir e beatha agus dachaighean ann an cunnart? Cluinnidh sinn bho fhear a bha a’ fuireach ann am baile Cockermouth ann an Sasainn mu thuil eagalach.

Air an làimh eile, dè na trioblaidean a tha cion uisge a' dèanamh do dhaoine? Innsidh fear a tha ag obair dhan UN mu na suidheachaidhean doirbh a tha esan air fhaicinn timcheall an t-saoghail.

Ach dè mu na buannachdan a thig an cois an dìle? Tha snàmh a’ toirt toileacheas do mhòran ach dè mu dheidhinn dàibheadh fon mhuir? Dè a tha ri fhaicinn agus ri fhaireachdainn?

Cluinnidh sinn cuid de na h-adhbharan a th' aig daoine airson a bhith ag iasgach nan aibhnichean agus mar a bheir na th' ann de dh’ uisge buaidh air an iasg.

Agus dè na dòighean anns a bheilear a’ cleachdadh uisge airson uisge-beatha a dhèanamh, dè an diofar a th' eadar uisge aon sgìre agus uisge sgìre eile agus ciamar a dh’fhaodadh sin buaidh a thoirt air an uisge-beatha aig a' cheann thall?