´óÏó´«Ã½

Anns an t-seirbheis cluinnidh sibh na sailm agus an leughadh a leanas:
Salm 45: 2-3 air fonn Bedford agus ’s e Dòmhnall Iain Dòmhnallach a tha os cionn na seinn le taic bho choitheanal Eaglais na h-Alba ann an Loch nam Madadh.
Salm 66: 6-7 air fonn Montrose agus ‘s e Iain MacPhilip a tha os cionn na seinn le taic bho choitheanal Eaglais na h-Alba, Beàrnaraigh na Hearadh.
Salm 36: 9-10 air fonn Coleshill agus ‘s e Iain A MacLeòid a tha os cionn na seinn le taic bho choitheanal Eaglais Shaor Ùige, an Eilean Sgiathanaich.

Leughadh: Genesis 26: 1-6 & 12-19
Ceann-teagaisg: Genesis 26: 18

Rugadh an t-Urramach Ruairidh Dòmhnallach ann an Uibhist a Tuath. Bha a mhàthair, Mairi, à Locheuphort agus athair, Dòmhnall Iain, à Beàrnaraigh na Hearadh. Bha triùir bhalach san teaghlach - e fhèin, Uilleam is Eachann. Fhuair e oideachadh ann an Uibhist, Leòdhas agus mu dheireadh aig Oilthigh Ghlaschu. Aig aois gu math òg cho-dhùin e gun robh e dol a-steach airson na ministrealachd agus b' e sin a rinn e. Chur e seachad a’ chuid is motha de na bliadhnaichean aige na mhinistear ann an dà choitheanal - Eaglais Naomh Chaluim Chille ann an Steòrnabhagh agus Eaglais na Paraiste ann an sgìre Innis ann an Siorrachd Obar Dheathain.

A bharrachd air a bhith na mhinistear bha Mgr Dòmhnallach cuideachd aithnichte mar bhàrd. Chaidh urram Bàrd a‘ Chomainn a bhuileachadh air aig a’ Mhòd Nàiseanta ann an 1977. Bha e cuideachd na sgrìobhaiche agus na eadar-theangadair 's thug e mach grunn leabhraichean leithid Leth-cheud Bliadhna, Tràoghadh is Lìonadh, Laoidhean Molaidh, Seinn an Duan Seo agus rinn e eadar-theangachadh air ceud òran le Raibeart Burns. Bhiodh e cuideachd a‘ sgrìobhadh airson Na Duilleagan Gàidhlig ann an iris na h-eaglaise agus airson a’ cholbh 'Ruairidh Eile' ann an Gasaet Steòrnabhaigh.