大象传媒

Cwtsh Creadigol yw enw gwefan arbennig sy'n cynnig cysur i'r gweithlu iechyd a hynny drwy'r celfyddydau . Mae Nia Roberts yn cael hanes creu'r wefan gan Aled Jones, yr awdur Manon Steffan Ros, a'r cerddor Iori Haugen.

Mae'r prosiect Adref/Cynefin yn gywaith cenedlaethol sy'n edrych ar wir ystyr "adref" a "chynefin" i fobol ar draws Cymru, gan ddadansoddi'r canlyniadau mewn ffyrdd celfyddydol. Mae Nia'n cael cwmni dwy sy'n arwain y prosiectau, Siwan Llynor a Rebecca Smith Williams.

Yn 2020 cynhaliwyd cystadleuaeth i feirdd ifanc gan y cylchgrawn Poetry Wales, ac o'r diwedd wedi hir ymaros mae blodeugerdd o'r gweithiau llwyddianus newydd ei gyhoeddi gan Wasg Seren. Golygydd y gyfrol, Eurig Salisbury sy'n sgwrsio am yr ymateb calonogol a gafwyd i'r gystadleuaeth.

A gyda thaith y Consortiwm Cymraeg o glasur Willy Russell "Shirley Valentine" newydd gychwyn, Branwen Cennard sy'n adolygu'r ddrama.