´óÏó´«Ã½

Salm 71: 15-16 air fonn Evan agus ‘s e Dòmhnall MacIllEathain a tha os cionn na seinn le taic bho choitheanal Eaglais na h-Alba ann am Paibeil an Uibhist a Tuath.
Salm 80: 17-18 air fonn Stornoway agus ‘s e an t-Urr Niall Seathach a tha os cionn na seinn le taic bho choitheanal Eaglais Shaor a’ Chaoil sa Ghearastan.
Salm 84 : 11-12 air fonn Moravia agus ‘s e Dòmhnall N Màrtainn a tha os cionn na seinn le taic bho choitheanal Eaglais Shaor Chrosboist.

Leughadh: 2 Eachdraidh 24: 15-22
Ceann-teagaisg 2 Eachdraidh 24: 2

Rugadh 's thogadh an t-Urr Coinneach Stiùbhart ann an Griomasaigh, Uibhist a Tuath agus thàinig atharrachadh spioradail na bheatha nuair bha e ochd bliadhna deug.
Fhuair e foghlam ann an Bun-sgoil nan Ceallan agus Sgoil Phaibeil an Uibhist, Sgoil MhicNeacail an Leòdhas agus, an dèidh sin, ann an Oilthigh Ghlaschu agus Colaiste na h-Eaglaise Saoire an Dùn Èideann. Tha e pòsta aig Anna à Garrabost san Rubha agus tha còignear chloinne aca.

Ghluais Mgr Stiùbhart air ais dhan na h-eileanan bho chionn ghoirid agus chaidh a phòsadh ri coitheanal Eaglais nan Clèireach Ath-Leasaichte ann an Steòrnabhagh.
Bha e roimhe na mhinistear air coitheanal Ghlaschu dhan eaglais. Tha e cuideachd air a bhith os cionn coitheanal Eaglais Shaor Dowanvale ann am Partaig, Eaglais Shaor Steòrnabhaigh, Eaglais Shaor Toronto agus Eaglais Shaor Sgalpaigh.