´óÏó´«Ã½

Anns an t-seirbheis cluinnidh sibh na sailm agus an leughadh a leanas:
Salm 13: 1-2 air fonn Walsall agus ‘s e Murchadh Ceanadach a tha os cionn na seinn le taic bho choitheanalan Eaglaisean Leòdhais agus na Hearadh.
Salm 46: 10-11 air fonn Stornoway agus ‘s e an t-Urr Seumas MacÌomhair a tha os cionn na seinn le taic bho choitheanal Eaglais Naomh Chaluim Chille ann an Dùn Èideann.
Salm 27: 13-14 air fonn Torwood agus ‘s e Iain Mac a’ Ghobhainn a tha os cionn na seinn le taic bho choitheanal Eaglais na h-Alba ann am Barabhas.

Leughadh: Salm 13: 1-6
Ceann-teagaisg: Salm 13

Rugadh Iain Moireasdan ann an Dùn Èideann, 's bha athair às na Hearadh agus a mhàthair à Leòdhas ach chaidh a thogail ann an Steòrnabhagh. Chaidh e gu Sgoil MhicNeacail agus b' ann nuair a bha e an sin a thàinig atharrachadh na bheatha aig aois sia deug nuair a bha dùsgadh spioradail ann ann an1978.

Chaidh Iain gu Oilthigh Heriot Watt ann an Dùn Èideann agus Colaiste Mhoireibh agus thug e a-mach dreuchd neach-teagasg ann an matamataig agus coimpiutaireachd. Bha e a’ teagasg airson deich bliadhna fichead leis a' chiad obair aige ann an Acadamaidh Pheairt agus thill e air ais a Leòdhas a phòsadh ann an 1986. Fhuair e obair ann an Sgoil MhicNeacail far an robh e gu 2012. Chur e seachad dà bhliadhna aig Roinn an Fhoghlaim aig Comhairle nan Eilean Siar agus ann an 2014 chaidh e gu Seamanaraidh Diadhachd Dhùn Èideann agus cheumnaich e ann an 2017. Bha Iain an toiseach na neach-taic ann an coitheanal Eaglais Shaor Ros Cuithne agus an uairsin aig toiseach 2022 chaidh a phòsadh ri coitheanal Eaglais Shaor an Òbain.
Bha triùir a theaghlach aige, dithis ghillean agus nighean

Chaochail an t-Urramach Iain Moireasdan sa Chèitein am-bliadhna.