´óÏó´«Ã½

Tha connspaid gu leòr a' dol mun t-sreath ùr den dràma telebhisein 'The Crown'. Thòisich an còigeamh sreath air Netflix an t-seachdain sa. Dè shaoil ar n-aoighean dheth agus a bheil e iomchaidh a bhith ga chraoladh cho goirid an dèidh bàs na Banrigh?

Dimàirt, fhuair sinn mìneachadh air Method Acting - dòigh sa bheil cleasaichean gam bogadh fhèin sna caractaran a tha iad a' cluich. Bha cleasaichean ag innse dhuinn dè cho soirbheachail 's a tha an dòigh actadh seo air a bhith dhaibhsan.

Gach seachdain an-dràsta, tha sinn a' toirt sùil air còcaireachd air buidseat – diofar rudan a ghabhas a dhèanamh air beag chosgais agus às am faigh sinn dhà neo trì dhiathadan. Tha Ùisdean MacLeòid, bhon phrògram telebhisein, Seòid a' Chidsin, còmhla rinn 's thòisich e an t-seachdain s' le diathadan a ruitheas air teaghlach son nas lugha na £5.

Tha sinn a' cluinntinn an-diugh cuideachd bho chèiliche na seachdain, Ailig Moireasdan à Borgh ann a Leòdhas. Chuir Ailig a bheatha-obrach seachad aig muir - a' mhòr -chuid dheth air bàtaichean-aiseig Chaledonian Mhic a' Bhruthainn. Tha sinn a' faighinn earrann den chòmhradh eadar e fhèin is Cathy ann an taghadh an là an-diugh.