´óÏó´«Ã½

Chaidh taisbeanadh de sheann nithean a bhuineadh do Linn an Umha a chur air bhog ann an Ionad Comunn Eachdraidh Nis feasgar Dimàirt. Thug Coinneach Mac a' Ghobhainn, an cois duine no dhithis às a' sgìre, sùil air na cinn-sleagha, cinn-tuaighe agus innealan eile a chaidh a lorg ann an Adabrog ann an 1910 agus claidheamhan a chaidh a lorg ann am poll-mhònadh ann an Àird Dhail ann an 1891 agus 1892.

Bha an t-ùghdar Jim Wilkie air chuairt ann a Leòdhas air an t-seachdain sa mar phàirt de na cuirmean a tha dol airson comharrachadh 100 bliadhna bho shèol a Metagama à Steòrnabhagh. Rinn Alasdair MacLeòid leughadh às ùr air a' leabhar ainmeil a sgrìobh Jim Wilkie ann an 1986, air a robh Metagama mar thiotal.

B' e Murchadh Greumach, cèiliche na seachdain. Tha Murchadh a’ tàmh ann a Harrogate, ‘s e air a bheath-obrach a chur seachad ann a Sasainn. Ach ‘s ann à Dùn Chàrlabhaigh ann a Leòdhas a tha e bho thùs – àite a tha fhathast dlùth ga chridhe agus e an-dràsta air làithean-saora sa bhaile san deach àrach. Thàinig e steach dhan stiùdio airson beagan innse do Chathy mun iomadh àite gan tug obair e, bho dh’fhalbh e à Leòdhas ann an 1950. ‘S iomadh sgeul a th’ aige ri innse bho na làithean tràth nuair a bha e ag obair air Sràid Downing ann a Lunnainn, chun t-seinneadear ainmeil Margarita Pracatan a' tighinn a dh’fhuireach dhan dachaigh aca son seachdain!

Agus dè an ionndrainn a bhiodh agaibh air rionnach mur a biodh e pailt? Tha Comann Glèidhteachais na Mara air rabhadh gu bheil rionnach a' fàs gann. Fhuair Cathy beachd dithis a tha gu math dèigheil air fear de sheòid a' chuain.