´óÏó´«Ã½

Diluain bha John Neil Dòmhnallach ag innse mu dà chuirm aig an robh e aig Fèis Dhùn Èideann: Joe McTernan: Life Advice That Won't Change Your Life agus Frank Skinner: 30 Years of Dirt.

Tha sreath ri fhaicinn air Netflix an-dràsta stèidhichte air an sgeulachd co-cheangailte ris an opioid OxyContin agus an teaghlach Sackler leis a bheil a' chompanaidh Purdue Pharmair a chruthaich an druga. Tha na prògraman Painkiller a' togail air a’ bhuaidh a tha OxyContin air a thoirt air beatha dhaoine ann am Ameireagaidh agus mar a bha an teaghlach a' cur prothaid air thoiseach air slàinte. Thug Michael MacAoidh dhuinn eachdraidh an teaghlaich Sackler agus mhìnich an Dotair Sìne Dickson dè an seòrsa druga a th' ann an OxyContin, dè cho feumail 's a tha e agus a' bhuaidh a bheir e air euslaintich nuair a tha iad dha ghabhail airson ùine.

Bha prògram air ´óÏó´«Ã½ Scotland oidhche Mhàirt far an robhar air cothrom fhaighinn sealladh dlùth a thoirt air triail-mhuirt co-cheangailte ri fear de na cùis-mhùirt a b’ ainmeile a bha a-riamh an Alba. B' e sin cùis-mhuirt Renee NicRath agus a mac Anndra, a bha trì bliadhna a dh' aois, a chaidh le chèile a dhìth gun sealladh orra tuilleadh, sa Ghàidhealtachd air an 12mh den t-Samhain 1976. Fhuair sinn beachd air a' phrògram, Murder Trial – The Disappearance of Renee and Andrew MacRae, bho dhithis a bha air a' phoileas aig an àm.

A rèir aithris tha trì chairteal dhen fheadhainn a tha a’ cur a-steach airson trèanadh airson a bhith nan tidsear an Sasainn thairis air aois leth-cheud sa còig. Dh'fhaighnich Cathy do dhithis thidsearan a th’ air an dreuchd a leigeil dhiubh sna beagan bhliadhnaichean bho dheireadh, dè na h-obraichean a thaghadh iad fhèin.