´óÏó´«Ã½

Cluinnidh sinn bho Chatriona Zoltowska mu na tha air nochdadh sna meadhanan sa Spàinn mu Luis Rubiales, manaidsear sgìoba nam ban, a thug pòg do thè de na cluicheadairean an dèidh dhaibh Farpais Ball-coise na Cruinne a bhuannachadh.

An t-seachdain sa, tha an sianail telebhisein Sky Arts a’ comharrachadh beatha agus obair an neach-ealain David Hockney ann an trì prògraman thairis air dà oidhche.
Rugadh Hockney ann am Bradford an ceann a tuath Shasainn agus tha e air fìor chliù a chosnadh air feadh an t-saoghail. Tha an neach-ealain Iseabail Mhoireach air sùil a thoirt air na prògraman agus mìnichidh i dè a tha cho sònraichte mun obair aige.

Cluinnidh sinn bho thriùir mu cho furasta neo cho duilich 's a tha e a bhith ag obair air do cheann fhèin agus na dùbhlain neo na buannachdan a tha na chois.

Tha Posta Rìoghail a’ comharrachadh gu bheil seasgad 's a còig bliadhna bho nochd Paddington an toiseach, le stampaichean sònraichte a bhios gan reic bho Dhimàirt sa tighinn, an 5mh den t-Sultain. Tha Maureen a' faighneachd dè na mathain, doileagan is eile as motha air a bheil cuimhne agaibh fhèin bho ur n-òige agus dè a' chiad fheadhainn air a bheil cuimhn' agaibh?