´óÏó´«Ã½

A' comharrachadh dà cheud bliadhna gu leth bho ghabh an dithis sgrìobhadair ainmeil an Dotair Samuel Johnson agus Seumas Boswell turas tron Ghaidhealtachd ‘s na h-eileanan. Ghabh am fear-naidheachd againne Ruairidh MacÌomhair cothrom pàirt den t-slighe a ghabh iadsan a ghabhail e fhèin ' s e a' dèanamh a rathad à Inbhir Narann chun Eilean Sgitheanach. Dh' innis e do Mhaureen dheidhinn.

An t-seachdain a chaidh, bha an sianail telebhisein Sky Arts a’ comharrachadh beatha agus obair an neach-ealain David Hockney ann an trì prògraman thairis air dà oidhche. Rugadh Hockney ann am Bradford an ceann a tuath Shasainn agus tha e air fìor chliù a chosnadh air feadh an t-saoghail. Thug an neach-ealain Iseabail Mhoireach sùil air na prògraman agus mhìnich i dè a tha cho sònraichte mun obair aige.

Tha 25 bliadhna ga chomharrachadh bho chaidh Drochaid Scalpaigh fhosgladh. Bha feadhainn ann an còmhradh ri Maureen mun là fhèin, nuair a thàinig Tony Blair, a bha na Phrìomhaire aig àm, chun eilein, mun strì airson na drochaid a thogail agus mun diofar a rinn e.

Agus thèid leabhar ùr mu ainmean-àite Gàidhlig baile Ghlaschu fhoillseachadh air a' mhìos sa. Tha 'Glasgow’s Gaelic Place Names' air a sgrìobhadh leis an Dr Alasdair MacIlleBhàin bho Oilthigh Ghlaschu, Katherine Forsyth agus Simon Taylor. Bha Alasdair ag innse do Mhaureen mar a ghabh e ùidh ann an ainmean-àite an toiseach agus mar a tha ainmean-sgìreil Ghlaschu ag innse dhuinn gu bheil a' Ghàidhlig air a bhith sa bhaile airson mu mhìle bliadhna.