´óÏó´«Ã½

Nì Aonghas Dòmhnallach leirmheas air Secrets of Our Universe, a’ chiad phrògram de thrì air aithris leis an speuradair Breatannach Tim Peake a bh’ air sianail a còig a-raoir.

Tha eòlaichean a' moladh gum bu chòir do dh'inbhich aig gach aois power of attorney a chur air dòigh, le fios gun urrainn do thubaist neo droch-shlàinte a thighinn air neach aig àm sam bith. Mìnichidh an tè lagha, Iseabail NicLeòid dè a tha an lùib power of attorney a chur air dòigh.

'S e Seonaidh MacFhilip Cèiliche na Seachdain. Rugadh is thogadh Seonaidh eadar A' Chomraich, Càrlabhagh agus Steòrnabhagh ach e air a bhith ann an iomadh dùthaich bhon uairson - Canada, an Eilbheis agus an Òlaind. 'S iomadh dreuchd eadar-dhealaichte a th' air a bhith aige bho bhith a' gearradh feur do Chomhairle nan Eilean Siar gu bhith ann an gàrraidhean-ola Chiseorn agus Àirinis, agus bho bhith reic fhionnaraichean-adhair ann a Lunnainn gu bhith teagasg eaconamas! Tha Seonaidh an-diugh na Urrasair aig Sabhal Mòr Ostaig, a tha comharrachadh 50 bliadhna mar cholaiste air an t-seachdain seo fhèin.