´óÏó´«Ã½

Chaidh leabhar ùr mun bhàrd Somhairle MacGill-Eain fhoillseachadh bho chionn ghoirid. Tha 'Somhairle MacGill-Eain, Na Bhriathran Fhèin' a’ bruidhinn air na daoine agus na h-àiteachan a thug buaidh air a bheatha agus a bhàrdachd. Tha an leabhar stèidhichte air agallamhan a rinneadh leis san dàrna leth dhe bheatha, is e a’ beachdachadh air iomadh cuspair, nam measg na h-òrain agus a' bhàrdachd a chuala e san teaghlach aige fhèin agus sa choimhearsnachd ann an Ratharsair agus san Eilean Sgitheanach. Thug Marc Wringe sùil tron leabhar dhuinn.

Thòisich an ceathramh sreath deug de The Great British Bake Off oidhcha Mhàirt. Dh'fhaighnich Cathy do fheadhainn a bhios a' bèiceareachd, dè na rudan as fheàrr a bhios a dol leotha, dè na rudan a th' air a dhol gu math ceàrr agus am b' urrainn dhaibh fhèin fuine nuair a tha daoine gan coimhead 's gan cumail ris an uair?!

Bha Là Eadar-nàiseanta Turasachd ga chomharrachadh Diardaoin. Bha ceist aig Cathy do thriùir -dè na h-àitichean a b' fheàrr agus a bu mhiosa air na thadhal sibh a-riamh, air làithean-saora? Dè na làraich a bha mìorbhaileach math agus dè an fheadhainn a bha nan tàmailt dhuibh, 's carson?

Buinidh cèiliche na seachdain, Fearchair MacFhionghain do bhaile Thàboist ann an sgìre cheann a deas na Lochan ann an Leòdhas, ged a tha a dhachaigh an-diugh ann an Inbhir Chip. Fhuair Cathy cothrom bruidhinn air mu bheatha obrach.