´óÏó´«Ã½

Dè an t-òran cèilidh as fhèarr leat agus carson? Sin a' cheist a chuir Cathy air grunn an t-seachdain a chaidh. Dimàirt 's e na taghaidhean agus Cairistìona Stone agus Eàirdsidh MacIllEathain a chuala sinn.

Tha an taisbeanadh Scottish Women Artists - 250 Years of Challenging Perceptions ri fhaicinn an-dràsta aig Dovecot Studios an Dùn Èideann. Chaidh Cathy Ann còmhal ri Angela NicEachainn, Dolina NicIllinnein, Elspeth Turner agus Deirdre Nì Mhathuna, agus ghabh iad cuairt timcheall na tha ri fhaicinn. Mar a tha an tiotal ag innse, tha e a' ruith air eachdraidh obair ealain bhoireannaich Albannaich, a' dol air ais 250 bliadhna. B' i Catherine Read (1723-78) à Dùn Dè, a' chiad boireannach Albannach a fhuair trèanadh oifigeil mar ealanaiche aig àm far nach robh sin idir àbhaisteach. Tha na dealbhan air an tarraing bho Chruinneachadh MacPhlèiminn - tasglann phrìobhaideach Albannach.

Rinn Dòmhnall MacIllEathain lèirmheas air an leabhar ùr, Beàrnaraigh na Hearadh: ‘Tis Fifty Years Since – A Study of Life in a Hebridean Island Community’.

Tha deich bliadhna fichead bho bhuannaich cèiliche na seachdain bònn òr aig Mòd Àrd Ruighe. Ged a tha buinteanas aig Maeve NicFhionghain ris a' Ghearastan, Barraigh agus Èirisgeidh tha i an-diugh a' fuireach ann an Glaschu far a bheil i na Stiùiriche air Foghlam na Gàidhlig aig Riaghaltas na h-Alba.