´óÏó´«Ã½

Anns an t-seirbheis cluinnidh sibh na sailm, laoidhean agus an leughadh a leanas:
Salm 46: 1-2 air fonn Stroudwater agus 's e an t-Urr Raghnall Moireasdan a tha os cionn na seinn le taic bho choitheanalan Eaglaisean Leòdhais agus na Hearadh.
Salm 23: 1-2 air fonn Free Church agus 's e Aonghas Dòmhnallach a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Mìorbhail Gris air a sheinn le Màiri NicAonghais
Fan Maille Rium bhon a CD le Luchd Seinn nan Ã’ran
A' pìobaireachd Flowers of the Forest bha an Corporal Niall McNaughton

Leughadh: Salm 46
Ceann-teagaisg: Salm 46: 1

Mus deach e os cionn coitheanal Fearann na Tòiseachd agus Ruigh Sholais bha an t-Urr Calum Iain MacLeòid airson ochd bliadhna os cionn coitheanal Eaglais Shaor a’ Bhac agus roimhe sin bha e os cionn coitheanal coitheanal Bharabhais. Mus deach e a-steach airson na ministrealachd, bha e na mhanaidsear air Pròiseact Urras Choimhearsnachd Chalanais agus nan Geàrranan air taobh siar Leòdhais.

'S ann do dh'eilean Sgalpaigh a bhuineas Calum Iain, agus bha e na Chrìosdaidh bho bha e trì-bliadhna-deug. Tha e fada an comainn an Urramaich Alasdair Mac a' Ghobhainn, a bha na mhinistear ann an Eaglais Shaor Sgalpaigh aig an àm, airson an taic agus an stiùireadh a thug e dha na òige.

Tha e pòsta aig Dina agus tha triùir chloinne aca, Anne Marie, Rachel Kate agus Eilidh. Nuair a gheibh e ùine dha fhèin, is toigh leis a bhith ag iasgach, a' coiseachd agus a' coimhead eunlaith.