´óÏó´«Ã½

Dè mar a chòrdadh e ribh siubhal faisg air trì cheud mìle ann a Mini beag còig bliadhn’ thar fhichead a dh’aois? Uill, sin a rinn Iain Mac a’ Ghobhainn bho chionn ghoirid, nuair a chaidh e eadar Glaschu agus Llandudno anns a’ Chuimrigh, far an robh na ceudan chàraichean Mini eile a' feitheamh air! Dh'innis e do Chathy mu thuras.

B' i Dolina Ross, cèiliche na seachdain. Buinidh Dolina do Bharabhas ann a Leòdhas ach tha i a' tàmh ann an Inbhir Nis. Tha i na sàr-eòlaiche ann an karate 's dh'innis i mar a thàinig i chun a sin, mu bhith teagasg òigridh 's a' frithealadh farpaisean nàiseanta 's eadar-nàiseanta. Dh'innis i cuideachd mu bhalach òg a tha i a' teagasg, 's a tha gu math faisg air a cridhe.

Thug John Neil Dòmhnallach beachd air a' film, The Holdovers, a tha ri ùr fhaicinn anns na taighean-deilbh. Tha an cleasaiche Paul Giamatti air a bhith faighinn moladh mòr mar a' charactar, Paul Hunham - tidsear sgoile a th' air fhàgail a' coimhead às dèidh balaich nach fhaigh dhachaigh, thairis air a Nollaig. "It's an A+", thuirt aon phàipear-naidheachd mun fhilm, ach dè a shaoil John Neil dheth?

Dè na h-òrain Albannach as fheàrr leibh? Air Là Burns, dh'faighnich sinn do dh'aoighean dè an fheadhainn a b' fheàrr leotha fhèin agus carson.