´óÏó´«Ã½

Fhuair sinn beachd air mar a tha na modhan a tha daoine a' cleachdadh nuair a tha iad ag ithe ann taighean-bìdh air atharrachadh. Chuala Cathy bho dhithis mu na droch-mhagaidean a bhios a' cur cais oirre.

Tha Casualty air a bhi air an telebhisean fad ochd bliadhna deug thar fhichead, 's e glè bheag againn nach fhaca Casualty aig àm air choireigin, agus ‘s e gle bheag againn nach eil eòlach air aon dha na prìomh charactaran - Charlie Fairhead. Dh'fhàg Derek Thomson a bha a’ cluich an caratar Charlie oidhche Shathairne. A bheil aon charatar a' fàgail a' toirt uiread de bhuaidh air prògram nach eil e an aon rud tuilleadh?

Bha Aonghas Pàdraig Caimbeul air ais, is e air a bhith a' rùileach tro thasglann nam pàipearean-naidheachd, a' sireadh sgeulachdan inntinneach agus annasach a nochd annta air an t-seachdain s' ann an eachdraidh. Cluinnear mu obair an ola, Ciseorn, Bòrd Leasachaidh na Gàidhealtachd agus Rìgh a Bhuntàta.

Is ann a Tioradh a bha cèiliche na seachdain, ged a tha e a' fuireach ann am Bearaig a Tuath. Thug Alasdair MacNèill iomadh bliadhna a' teagaisg 's tha e tric ri chluinntinn a' bruidhinn air iomadh spòrs air Radio nan Gaidheal.