´óÏó´«Ã½

Dh’fhoillsich a’ bhuidheann turasachd VisitScotland gu bheil iad a’ dol a dhùnadh na h-ionadan-fiosrachaidh aca air feadh Alba - còrr is fichead dhiubh - thairis air dà bhliadhna bhon t-Sultain am-bliadhna agus thèid gluasad gu ro-innleachd air-loidhne. Bhruidhinn sinn ri triùir a b’ àbhaist a bhith ag obair ann an ionadan-fiosrachaidh Bòrd Turasachd na h-Alba thar nam bliadhnaichean. Chuala sinn bhuapa dè cho cudromach 's a bha na h-ionadan sna bailtean aca agus an seòrsa fiosrachaidh annasach, 's aig amannan amaideach, a bha luchd-turais a’ sireadh bhuapa.

Air mìos nàiseanta airson aire a thoirt do throm-uallach, chuala sinn bho dhithis mu na dòighean a tha iadsan a' cleachdadh airson dèiligeadh ri uallach-inntinn làitheil.

An-diugh tha sinn le Apps agus teachdaireachdan air na fònaichean-làimhe a dh'innseas dhuinn dè seòrsa aimsir a bhios againn ann an sgìre sam bith den t-saoghal - fuar, blath, grianach, sgòthach, fliuch, tioram, socair no stoirmeil - chan ann a-mhain an latha sin fhèin ach airson an t-seachdain a tha romhainn. Ach às aonais teicneòlas dè na comharran a bh' aig ar sinnsearan airson an aimsir a thomhais? Dh'fhaighnich sinn do thrùir.

Thòisich sreath ùr de MasterChef air ais air an telebhisean oidhche Luain, ‘s iad a’ comharrachadh gur e seo am ficheadamh sreath. ADiardaoin chuala sinn bho na masterchefs againn fhèin, Annag NicFhionghain, Iain MacRuairidh, Marion F Mhoireasdan agus Amanda NicShannon cuin a ghabh iad fhèin ùidh ann an còcaireachd an toiseach.