´óÏó´«Ã½

Anns an t-seirbheis seo clunnidh sibh na laoidhean agus na leughaidhean a leanas:

A’ seinn 'Dèan Dhòmhsa Tuigse' agus 'Seo Cuan Gràidh thar Meud na Mara' tha a' bhuidheann Seinneamaid Còmhla

Mèabh NicFhionghuin a’ seinn Salm 30

Màiri Callan a’ seinn Togaibh na Drochaidean

Seumas Greumach agus Rory MacMhathain a’ seinn Nàs Dlùithe Dhut Fèin, a Dhè.

Leughaidhean: Eòin 15: 9-17

1 Corintianaich 13: 1-13

Thàinig Siùsaidh NicDhonnchaidh (no Siùsaidh Algie, mar a bh' oirre mus do phòs i) dhan Eilean Sgiathanach sna 90an nuair a bha i sia bliadhna deug. Dh'ionnsaich i Gàidhlig aig Ard-sgoil Phort Rìgh, 's chaidh i an uair sin gu Sabhal Mòr Ostaig. Bha i na neach-naidheachd air telebhisean agus rèidio airson ochd bliadhna deug, ag obair air prògraman leithid Telefios air Telebhisean Grampian agus Eòrpa is Aithris na Maidne air a' BhBC. Ghluais i a Shasainn ann an 2002 agus phòs i Mìcheal ann an 2005. Dìreach bliadhna às dèidh dhi pòsadh thàinig aillse broillich oirre, ach fhuair i seachad air.
Tha Siùsaidh air a bhith na Crìosdaidh corr air dà fhichead bliadhna, agus tha i ag ràdh "gu bheil Dia air rudan mìorbhaileach a dhèanamh na beatha". Bha i fhèin agus an duine aice a' fuireach ann an Lunnainn fhad 's a bha Siùsaidh a' trèanadh airson na ministrealachd san Eaglais Bhaisteach aig Colaiste Spurgeon.
Fhuair i cead-searmonachaidh ann an 2017 agus bha i fhèin is Mìcheal stèidhichte ann am Poole ann an Dorset far an robh i na ministear air Eaglais Bhaisteach Longfleet. Tha i fhèin 's an duine aice Mìcheal, cuide ri màthair Siùsaidh, an-diugh air gluasad a dh'Alba.