´óÏó´«Ã½

Bha aire nàiseanta ga tharraing an t-seachdain a chaidh gu eòin grunnachaidh, ach carson? Chaidh Angela NicFhionghuin a-mach còmhla ri Shona NicIllFhiolain, Oifigear Coimhearsnachd Comann Rìoghail Dìon nan Eun, 's chlàr agus chunnaic iad eòin grunnachaidh.

B' i Oighrig NicFhearghais, cèiliche na seachdain. Rugadh Oighrig ann am Bràgar, air taobh siar Leòdhais ach tha i an-diugh a' tàmh anns a' Mhanachainn. Rinn i teagasg bun-sgoil aig colaiste Chnoc Iòrdain agus i na tidsear ann an diofar àiteachean às dèidh sin. Chuir i seachad dà shamhradh ann a Kyrgyzstan an dèidh dhi a dreuchd a' leigeil dhith ach tha i an-diugh, air a dòigh a' cur seachad a h-ùine a' leughadh 's ag obair anns a' ghàrradh.

Tha 200 bliadhna ga chomharrachadh bho thòisich a' chiad seirbheis smàlaidh an Alba. B' ann ann an Dùn Èideann a bha e agus tha taisbeanadh mu dheidhinn, Rising From The Ashes: 200 Years of the Scottish Fire Service ri ùr-fhaicinn sa bhaile. Chuir Cathy cuairt air, an cois Iain Eàirdsidh Mac a' Mhaoilein agus Iain MacChoinnich airson am beachdan fhaighinn air.

Tha bùth bheag leabhraichean ann a Sussex a' fosgladh aig còig uairean sa mhadainn, a dh'aona ghnothaich do sgrìobhaichean, mar àite far am faigh iad fois agus sàmhchair gus smuaintean a chur an cèill. Dh'fhaighnich sinn do cheathrar sgrìobhaichean, ciamar a bhios iad fhèin a’ sgrìobhadh, càite, dè tha feumail agus dè nach eil!