大象传媒

Mae 42 o losgfynyddoedd ar Ynys Java yn Indonesia. Ar ochr ddwyreiniol yr ynys mae Llosgfynydd Ijen, un o'r mannau mwyaf gwenwynig ar y Ddaear. Yng nghanol y crater mae llyn sy'n cynnwys dwy filiwn a hanner o dunelli o asid. Er gwaetha'r amgylchedd, mae pobl lleol yn mentro'u bywydau er mwyn cloddio'r mwyn sylffwr sy'n hanfodol ar gyfer cynhyrchu rwber, cemegion a ffrwydron. Mwyngloddwyr sylffwr ydy Hartomo a Sulaiman. Mae'r ddau yn gweithio y tu mewn i grater llosgfynydd byw. Maen nhw'n fodlon mentro fel hyn er mwyn ennill llawer mwy o arian na phe bydden nhw'n gwneud gwaith lleol arall.