大象传媒 Radio Scotland - The works of Robert Burns, I hae a wife o my ain

I hae a wife o my ain

I Hae a wife o' my ain,
I'll partake wi' naebody;
I'll tak Cuckold frae nane,
I'll gie Cuckold to naebody.

I hae a penny to spend,
There, thanks to naebody;
I hae naething to lend,
I'll borrow frae naebody.

I am naebody's lord,
I'll be slave to naebody;
I hae a gude braid sword,
I'll tak dunts frae naebody.

I'll be merry and free,
I'll be sad for naebody;
Naebody cares for me,
I care for naebody.

02 June 2016

32 seconds

Works written in 1788—The works of Robert Burns

Most Burns works can be attributed to a specific year.
Works read by Alex Norton—The works of Robert Burns

All his recordings from the 250th anniversary project.