大象传媒

O Wha will to Saint Stephen's house,
To do our errands there, man;
O wha will to Saint Stephen's house,
O' th' merry lads of Ayr, man?
Or will we send a Man-o'-law,
Or will we send a Sodger?
Or him wha led o'er Scotland a'
The meikle Ursa Major?

Come, will ye court a noble Lord,
Or buy a score o'Lairds, man?
For Worth and Honor pawn their word
Their vote shall be Glencaird's, man?
Ane gies them coin, ane gies them wine,
Anither gies them clatter;
Anbank, wha guess'd the ladies' taste,
He gies a F锚te Champetre.

When Love and Beauty heard the news,
The gay green-woods amang, man,
Where, gathering flowers and busking bowers,
They heard the blackbird's sang, man;
A vow, they seal'd it with a kiss,
Sir Politicks to fetter,
As their's alone, the Patent-bliss,
To hold a F锚te Champetre.

Then mounted Mirth, on gleesome wing,
O'er hill and dale she flew, man;
Ilk wimpling burn, ilk chrystal spring,
Ilk glen and shaw she knew, man:
She summon'd every social sprite,
That sports by wood or water,
On th' bonie banks of Ayr to meet,
And keep this F锚te Champetre.

Cauld Boreas, wi' his boisterous crew,
Were bound to stakes like kye, man;
And Cynthia's car, o' silver fu',
Clamb up the starry sky, man:
Reflected beams dwell in the streams,
Or down the current shatter;
The western breeze steals thro' the trees,
To view this F锚te Champetre.

How many a robe sae gaily floats!
What sparkling jewels glance, man!
To Harmony's enchanting notes,
As moves the mazy dance, man!
The echoing wood, the winding flood,
Like Paradise did glitter,
When angels met, at Adam's yett,
To hold their F锚te Champetre.

When Politics cam there, to mix
And make his ether-stane, man,
He circled round the magic ground,
But entrance found he nane, man:
He blush'd for shame, he quat his name,
Forswore it every letter,
Wi' humble prayer to join and share
This festive F锚te Champetre.

Show less