´óÏó´«Ã½

Sa chlár seo, cluinimid Bláthnaid Ó Brádaigh, Cathaoirleach Oireachtas na Gaeilge 2003 ag caint beo ó Fhéile na Samhna i dTrá Lí agus í ag tabhairt comhthéacs don éisteoir don chomhdháil spéisiúil a bhí eagraithe faoin Ghaeilge agus a stádas san Aontas Eorpach, nuair a bhí stádas éagsúil ag an Ghaeilge ag an am sin.
Cluinimid fosta ó chairde rialta Blas an ama, Anne Doherty (nach maireann) as Doire agus an t-iriseoir Eoghan Ó Néill as Béal Feirste, le mórscéalta spéisiúla nuachta a bhí ag dó na geirbe ag an domhain tráth dheireadh Dheireadh Fhómhair 2003, le plé ar rudaí ar nós Acht na Gaeilge, cúrsaí polaitiúla áitiúla agus an RA, chomh maith le scéalta óna gceantar féin maidir leis an am taibhsiúil seo bliana! Insíonn Anne scéal scáfar, Half-Hanged John McNaughton.
Cluinimid fosta ón scríbhneoir Séamas Mac Annaidh as Fear Manach, a bhfuil scéal scéil aige a chuala sé faoin dóigh nach dtuigeann an diabhal ach Gaeilge.

Agus léann Seán Ó Duróis scéal Liam na Sopóige, dán ealaíonta oiriúnach don am seo den bhliain.

ORD REATHA: FAD IOMLAN: 30.29’
Suas le 8.00: Bláthnaid Ó Brádaigh, Cathaoirleach Oireachtas na Gaeilge.
8.45: Aine Ní Dhochartaigh & Eoghan O Néill le mórscéalta na seachtaine deireadh Dheireadh Fómhair 2003 & stuif d’Oíche Shamhna.
22.40: Séamas Mac Annaidh, a insíonn scéal taibhsiúil, scanrúil faoin diabhalthaibhse a thuig Laidin & Gaeilge.
26.30: Cinnlínte nuachta á chríochnú ag Aine & Eoghain. (&comórtas Open House Festival)
28.31: Liam na Sopóige á léamh ag Seán Ó Duróis