大象传媒

An Nowodhow: an 22ves a vis Est 2021聽
Dohajydh da, ha dynnargh dhe dhyllans an seythen ma 'An Nowodhow' war 大象传媒 Radyo Kernow.聽 *Kath dov, Piran y hanow, a weresas ledya sawysi dh鈥檡 ferghenoges, tri ha peswar ugens hy oos, neb a godhas unn meter warn ugens yn-nans kownans yn Kernow gledh.聽聽Kannas an Kreslu a leveris i dhe hwilas an venyn pan glewas esel an poblek Piran ow miowal.聽聽An son ma a ledyas an sawysi dhe鈥檔 fethesigores.聽 Hi re godhsa yn-nans an leder yn ogas, may ma 鈥渉edhas pur gales ha dor ankompes鈥� hag yn gover.鈥淧iran an gath a sawyas an jydh,鈥� a leveris kannas Kreslu Bosvena yn kever an sawyans, an pyth a hwarvos ogas dhe Bonswad.聽聽An venyn a veu drehevis dhe sawder war gravath gans an tanlu ha kemeres dhe glavji gans tro askel klavji.聽聽An ganaseth sawyans a veu lonchys dy鈥橲adorn dohajydhweyth pan fonyas kentrevogyon聽 orth an servisyow goredhom.聽 Yth esa bern dhedha yn kever an tyller may ma an venyn.聽聽An venyn, neb re bia kellys dres moy ages unn our, re godhsa ogas dh鈥檡 chi.Herwydh dustuniores, tro an moyha posek rag kavos an venyn o miowal 鈥減ur barghus鈥� dhe Biran dhyworth penn an kownans.鈥淜eslowena bras yw dhe oll an servisyow goredhom neb a oberas warbarth, ha dhe Biran鈥� hi a leveris.聽聽鈥淎n diwedh a via gwettha.鈥� *Bysi yw Lizzie Stroud ha hy gour, David y hanow, owth eylafina kocha hynshorn drehevys rag An Vyghternes Victoria.Yth yw onan a naw kochys hynshorn re brensons dres an bledhynnyow.聽 Yma pymp anedha parys hwath rag rentya.An hwedhel a dhallathas y鈥檔 vledhen mil naw kans dewdhek ha peswar ugens pan brensons i an drehevyans gorsav yn Lannaled.
I a鈥檔 treylyas y鈥檔 chi rag aga theylu, drefen bos edhom dhedha kavos tyller affordyadow rag triga ynno.
Yth esa towl an kynsa kocha dhe dhos ha bos stevel parys rag kothmans ow vysytya, mes a-dhia henna, eylafina ha rentya kochys hynshorn a dheuth ha bos negys leun-dermyn.
鈥淣i a dylis seyth peuns warn ugens rag dew gocha war鈥檔 wiasva eBay,鈥� yn-medh Mestres Stroud, 鈥減ur rust ens i mes brassa rann an kostys yw rag aga movya, aga astiveri hag aga eylafina .鈥�
鈥淧an gevsyn ni an kocha riel, nyns o an tyller parys mes res o dhyn y vovya distowgh, ytho y kevsyn ni neb le rag y witha dres unn vledhen.聽 Res o dhyn y vovyva diwweyth ha pub prys kost o peswar mil ha pymp kans a beunsow.鈥�
*Pyskador a veu frappyas gans 鈥渕ordon anwaytys鈥� dh鈥檡 vernans dhyworth kerrek, dell veu derivys dhe hwithrans mernans.
Yth esa Tyler Westlake ow pyskessa ogas dhe Vreanek, mis Du eus passys, pan hwarva an hwarvedhyans.
Y gothmans a veu frappyas gans an mordon ynwedh hag i ow fardella aga daffar pyskessa, mes i a allas skramblya orth sawder.
Kouronor henavek, Andrew Cox y hanow, a rekordyas ervirans mernans dre wall.
An trajedi a hwarvos ha glaw keynresek ha hager awel ow fusta an Ruvaneth Unys.聽聽
*Possybyl o rag tus dhe鈥檔 gool Boardmasters yn Tewynblustri kavos aga bryghlin Kovid-19 kyns i dhe dhiberth.聽聽
An gool a hwarvos rag an kynsa termyn a-dhia dhiw vil hag etek.
Yth esa medhegva yn unn park kerri rag an dus ow tiberth dy鈥橪un.
Herwydh NHS Kernow an servis o rag an kynsa po an nessa dogen bryghlin.
Yth esa govenek dhe Tracey Hemborough, dhyworth bagas Atlantic Medical, y fydh meur a dus ow tos.
Yn-medh hi: 鈥淵ma govenek dhyn wosa pubonan re omlowenhas nebes dydh splann a ilow byw ha gul an traow a garons, y hallsens kemmer chons dhe gavos aga bryghlin.鈥�

*Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy Kensa Broadhurst.聽 An pennskrifer o Steve Harris. Bys dy鈥� Sul nessa, dydh da dhywgh hwi oll.