大象传媒

An Nowodhow: an 19ves a vis Gwynngala 2021聽
Dohajydh da, ha dynnargh dhe dhyllans an seythen ma 'An Nowodhow' war 大象传媒 Radyo Kernow.聽 *Trest klavji a dhifennas dres pols pub leuvvedhegneth tewlys hag yniadow drefen poos dhe besya.Trest Klavjiow Kernow Riel a leveris y hwrug an ervirans kales drefen materyow, niveryow a wodhevysi Kovid-19 y鈥檊a mysk.聽聽Sewyans an ervirans yw an arvethesigyon a yll gwitha an dus gans edhom a amyttyans goredhom dhedha.聽
Kevarwodher medhegel an trest, Dr Allister Grant y hanow, a leveris: 鈥淕ans amyttyansow gans Kovid-19 ow kortos niverus ha servisyow yeghes ha gwith yn-dann boos, ni a gemeras an ervirans kales dhe dhifen leuvvedhegneth tewlys hag yniadow y鈥檊an penn-klavjiow, may hyll agan parys medhegvael gwitha an dus gans edhom a amyttyans goredhom.聽聽
Nyns eus hedh yn demond hag yma moy ages dew ugens godhevysi genen y鈥檔 klavji gans Kovid-19, ha ogas dhe dheg ha dew ugens moy yw kestavow gans edhom a dhos ha bos enyshes.鈥�
Ny wodhva lies a鈥檔 wodhevysi ma i dhe gavos Kovid pan vons amyttyes, mes yma edhom hwath dh鈥檊a gwitha聽 a-dhiworth godhevysi erel.
An posow re nassa oll an tri klavji dyghtys gans an trest: Klavji Kernow Riel yn Truru, Sen Myghal yn Heyl ha Kernow West yn Pennsans.聽聽
Dr Grant a leveris 鈥淣i a wra pesya gans leuvvedhegneth troboyntel rag an dus gans kanker, ha dyghtyansow ow sawya bewnans ha gwel.
Ni a wra pesya agan ober gans Klavji Duketh yn Truru ynwedh rag gul myns leuvvedhegneth avel possybyl ena.鈥�
Ev a leveris ynwedh yma 鈥渕oy ages kans den yn agan tri klavji parys dhe dhos tre mes gans edhom a fardellow gwith ha skoodhyans.
鈥淣i a ober gans agan kowethyadesow dres an NHS, yn servisyow gwith socyal ha bodhek rag esya agan posow ni.鈥澛�
*Den, neb a wodhevis shora kolon war dreth yn Kernow re dhewelas rag grassa an re a sawyas y vewnans.David Smith a wrug dyskans mordhardha gans y fleghes wynn pan dhiskaras ev dhe dreth Porth Heylyn mis-Est an vledhen eus passys.Dyskadoryon vordhardha, Lee Griffin ha Jago Griffiths aga henwyn, a usyas defibrillator ha performya CPR rag gwitha Mester Smith yn fyw.Mester Smith a leveris 鈥減ur amovyansek鈥� o omvetya gans an re re wrussa y sawya.聽 聽
*
Para rugbi Leicester Tigers re sinas higenner Tom Cowan-Dickie war ambos berrdermyn dhyworth An Vorladron Gernewek.Cowan-Dickie yw broder kottha Luke Cowan-Dickie, neb a wari rag Karesk, Pow Sows ha鈥檔 Lewyon Vretennek.Tom re dhallathas y resegva gans an Vorladron ha, wosa ev dhe dhasjunya dhyworth Aberplym yn diwvil ha seytek, ev a warias moy ages tri ugens fytt rag an klub.鈥淭om yw gwarior kales, diwysyk ha eksperyansys , ha pes da on ni dh鈥檡 dhynnerghi鈥� a leveris Pennkenerther Leicester, Steve Borthwick y hanow.聽 *Teylu re adoptyas ki peswardhek bloodh hy oos, peswardhek bledhen wosa i dhe adoptya broder an ki dhyworth an keth torras.Teyla Anna Cirant-Carr, dhyworth Tewynblustri, a adoptyas Eric yn diwvil ha seth, hag ev o ki dov dhedha bys ev dhe verwel yn diwvil hag etek.聽聽Pan dheuth ha bos ki owth omheveli Eric kavadow y鈥檔 keth kresen RSPCA, hi a dhiskudhas hi dhe vos hwor Eric dhyworth an keth torras.Anna Cirant-Carr a leveris: 鈥淧ur, pur splann yw, pub prys hi a gerdh y鈥檔 stevel, dres pols byghan my a dyb yth yw Eric.鈥滱n ki nowydh, Tandie hy hanow, a veu adoptys yn diwvil ha seth ynwedh, mes hy ferghen a verwis a-dhia.*Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy Kensa Broadhurst.聽 An pennskrifer o Steve Harris. Bys dy鈥� Sul nessa, dydh da dhywgh hwi oll.