大象传媒

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 大象传媒 Radyo Kernow.

*

Konstrinans a finwethow tooth dres Kernow a wra kregi war lewyoryon, a-der kreslu, re leveris an lu.

Konsel Kernow a vynn lehe an finweth tooth defowt dhe ugens mildir pub our yn arenebedhow anedhow oll hag yw a-lemmyn deg mildir warn ugens pub our.

Byttegyns, kreslu re gedhlas sodhogyon Gonsel Kernow kyn skoodhyons an towl, ny vydh dhedha gallos dhe gonstrina an rewlys nowydh.

Y towlir rester trial der lonchyans dres Kernow yn mis Hedra diwvil dew warn ugens.

An ragdres o arwostel derivadow alhwedhek gans an ventenouryorn kyns etholansow yn mis Me, may kavsons maystri a鈥檔 konsel.

Avisyer Adrian Leisk dhyworth Kreslu Dewnens ha Kernow a leveris dhe鈥檔 kessedhek gorwolok displegyans ha hwithrans tevyans erbysieth kyn kressir para kreslu fordh yn Kernow, ny vydh possybyl dhe gonstrina finwethow isella yn arenebedhow oll.

Y leveris 鈥測 fia aga notyans a-dro dhe janjyansow fara a vynnyn ni oll. Ny wra oberi changya niver war arwodh fordh heb rester keskomunyans kompassus.鈥�

Seulabrys yma kwartronow ugens mildir pub our yn nebes tylleryow yn Kernow, an brassa rann anedha war fordhow mes a hag ow ledya dhe skolyow.

Yth esa bernyow dhe鈥檔 metyans an kessedhek y hwayt nebes arenebedhow gweles kwartronow ugens mildir pub our gwrys a-varra awos an vri res gans an konsel dhe鈥檔 tybyans.

Edwina Hannaford a leveris bos 鈥渁n gath mes a鈥檔 sagh seulabrys鈥�,听 ha konsels pluw re wrug rol a fordhow a vynnons bos komprehendys y鈥檔 towl.

An kessedhek a unverhas yn keskolon bos res an towl pesya yn-rag hag esel kabenit rag karyans dhe helghya towl mayth yw ugens mildir pub our defowt dres Kernow, ha bos derivas dres dhe鈥檔 konsel wosa bledhen.

*

Re dheuth dhe dhiwedh musuryow arbennek rag dyghtya gans spik a gasys Kovid Nownsek yn Dewnens ha Kernow.

Skoodhyans moy a veu settys gans Asran Yeghes yn mis Est hag y komprehendyas assays rag moghhe kemeryans a vryghlin ha dalgh a brevians.

An arenebedh gorthyp ynkressys a dhuryas dres pymp seythen hag a worfennas dy鈥橤wener, Kalan Hedra.

*

Ny yll oberoryon alhwedh war Enesek Syllan kavos neb tyller vyth awos moy chiow dhe vos treylys dhe ostyans tornyasek, re beu lavesys.

Paul Masters, pennweythresek Konsel Syllan, a leveris bos 鈥渂arras ostyans鈥�.

Yth esa ow lehe ynwedh an niver a dus ow triga war an enesow hag a gawsya kudynnow gweythlu, yn-medh ev.

Yth esa nebes diwottiow ha bostiow ow tegea dres gwav, dres oll awos fowt a vayni, y leveris ev.

Tornyaseth re brovisa kennerth dhe鈥檔 enesow, hag o fydhys y鈥檔 negys, mes hemm re ledsa dhe fowt a jiow, yn-medh ev.

鈥淵ma lies moy a dus ow kobrena aga chiow, ow tendil arghans orth usyans anedha avel Airbnb鈥檚 po pynag oll dra, ha piw a yll aga blamya?

鈥淢es yma henna ow lehe an myns a ostyans kavadow rag oberoryon alhwedh hag yma owth ynkressya an barras chiow,鈥� y leveris ev, herwydh Servis Derivasek Gwerinieth Leel.

Mester Masters a dherivas dhe gesva Keskowethyans Negysyek Teythyek Kernow ha Syllan:

鈥淣yns eus chi vyth dhymm rag router daromres ayr, chi vyth rag gweythyor socyal po sodhek yeghes kerghynedhel.

鈥淣yns eus esow a ober rag tus a vynn oberi war an enesow, mes nyns eus neb tyller may hyllons triga.鈥�

Ev a leveris re bia poblans an enesow, a-dro dhe dhiw vil 鈥渙w tigressya ha dos ha bos kottha tamm ha tamm, haval dhe Gernow, mes moy鈥�.

Yma 鈥渄anjer鈥� y fydh ostyans kavadow rag vysytoryon mes negysyow metherieth vyth, yn-medh ev.

*

Ha wortiwedh, den re gerdhas moy es tri hans deg mildir warn ugens yn-tiarghan dhe sevel arghans rag fowesigyon.

Ben Tidy a spenas moy es mis war Hyns Arvorel Soth West - dhyworth Minehead yn Gwlas an Hav dh鈥檡 dre y honan, Aberfala.

Ev a sevis moy es teyr mil, pymp kans peuns rag alusen 鈥楥hoose Love鈥�, neb a brovi eskisyow ha daffar posek dhe fowesigyon.

Y leveris ev an arghans dhe skoodhya an re na neb a fias aga trevow awos kas po persekutyans.

Mester Tidy a dheskrifas gwerthveurheans brassa rag natur awos bos unn sens moy.

Yn-medh, 鈥淣yns esosta yn unnik klewes sonyow ha gweles taklow, mes klewes an hyns mayth esos ow kerdhes warnodho.鈥�

Alusen Choose Love a brovi ynwedh, tyldys, lennow, lavrogow, jerkyns gwav ha dillas nessa, keffrys ha servisyow skoodhya ha gwith.

Mester Tidy a dhiberthas dhe Galan Gwynngala hag a dhrehedhas yn Aberfala dy鈥橲adorn yn seythen diwettha.

听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听听 *

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys gans Julia Wass, ha genev vy, Duncan McIntosh. Bys dy鈥橲ul nessa, nos da dhywgh hwi oll.

听

听