大象传媒

An Nowodhow

Sunday 14 November 2021

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 大象传媒 Radyo Kernow.

*

Yma moy es hwegh kans ha hanterkans den ow kwaytya towl rag gwith tre, hag owth entra Kernow 鈥済oredhom bras鈥�.

Konsel Kernow a leveris an diwysyans gwith dhe enebi posow a bes gans kavos ha gwitha mayni.

Kovid 19 re gawsyas ugens chi gwith yn Kernow dhe dhegea rag amyttyans.

Mike Westmore, a vagas JAMMAC, neb a dhyght peswar chi gwith yn Kernow, a leveris bos kavos mayni kudyn hujys.

Ev a dheskrifas an desedhans avel 鈥済oredhom meur鈥�

Andy Virr, neb yw kusulyer asran woredhom dhe Glavji Kernow Riel yn Truru, hag a鈥檔 jeves portfolio Konsel Kernow rag gwith socyal tevesigyon a leveris y teu an posow awos desedhans komplek kawsys gans Kovid-19, asrannow droglam ha goredhom owth oberi gans ystynnans lehes, ha fatel yw an system bysi.

Dhe鈥檔 kynsa warn ugens a vis Hedra, Trest Klavjiow Kernow Riel a dhekleryas 鈥渉warvedhyans kritikal鈥� awos posow war servisyow.

Ynwedh, a-dhia dy鈥橸ow, yma rewl nowydh bos edhom mayni chi gwith oll dhe vos bryghlinys.

*

Konsel Kernow re brenas deg chi nowydh ha hwegh ugens yn bargen lies-milyon peuns dhe atamya goredhom a drevow.

An konsel a brenas an chiow dhyworth displegyoryon Eco-Bos dhe Dreveglos Lowarth Grugglas West ogas dhe Sen Austel.

An konsel a leveris y dhiskwedh chiow eko-kowethek omrians dhe hedhi goredhom trevow heb effeyth damajus war an kerghynnedh.

Yth yw an brassa prenans a鈥檔 towlen drevow konsel nowydh a鈥檔 awtorita. An chiow, hag yw hwath dhe vos drehevys, yw gwaytys dhe vos res dhe鈥檔 konsel dres teyr po peder bledhen, an kynsa anedha gwaytys yn nebes misyow, dell lever an konsel.

Y fydhyons i kavadow rag gobrenans socyal ha affordyadow, dhe weres mayniow leel.

Wortalleth, kans a鈥檔 chiow nowydh a veu merkys rag gwerth war varghas ygor, hag a styr bos lemmyn moy 鈥榚s an pymthek kansran warn ugens trevow affordyadow derowel hag o unverhes yn argerdh towlenna war an tyller.

Y fydh dhe鈥檔 chiow eko-kowethek pompellow tes ayr aga fenten, ha panellow howlek, an pyth a dhismygir dhe dhevnydhya dewdhek gansrann warn ugens a nerth a ji kresek.

*

Plastogow unn devnydhyans re beu kevys yn oyow hag agennow golanes

An taklow kevys yw rann hwithrans gans fleghes ha studhyoryon dhe gampus Pennryn a Bennskol Karesk.

Ymons i ow tielvenna aga oyow, mes pelletys a hwyj an ydhyn keffrys.

Godhonydhyon a dhiskudhas bos an ydhyn ow tybri plastek hag yma bernyow dhedha bos korfow an golanes owth eva an kymygennow.

Professor Jon Blout, dhyworth Pennskol Karesk, a leveris 鈥淗eb mar, skant ny yll bos da bosva a鈥檔 kymygennow, hag yw pur bosek y studhyn an pyth yw an effeythow bewoniethel.

鈥淣yns yw unnik a-dro dhe wolanes loos, yth yns i skantlyn dhe les rag konvedhes effeyth a dhefolyans plastek war ydhyn dre vras.鈥�

Onan a鈥檔 dhyskyblon a Skol Eglosvelyan a leveris: 鈥淣i a gavas lies korrbaderen, meur a blastek, nebes eskern keyn hwiles hag eskern pysk, mes an brassa rann yw plastek.鈥�

Marieke Royle, dyskadores skiens a鈥檔 dhyskyblon, a geworras: 鈥淵mons i ow tyski dhe wul neppyth a-dro dhe gudynnow hag a brederav bos pur allosegus ragdha.鈥�

Catherine Smith, studhyores dhe Bennskol Karesk, a leveris re biens i ow kavos dustuni a bolyethylin.

Y tisplegyas hi 鈥淜evys yw dre vras yn plastogow unn devnydhyans, kepar ha seygher ha botellow plastek,鈥�

*

Ha wortiwedh, y hwra Kanores 鈥楽oul鈥� a vri Diana Ross aperya dhe Esedhogow Eden yn mis Metheven a dheu, dell dhekleryas ordenoryon.

Diva Chain Reaction a veu gwaytys yn seson keskan Ragdres Eden hevlena, mes dileys veu an diskwedhyansow awos koronavirus.

An ganores seytek bloodh ha tri ugens a dhalathas hy resegva dhe Motown y鈥檔 hwegh degow, hedhes bri gans The Supremes dre blasennow sewen ow komprehendya Baby Love, Stop! In the Name of Love ha You Keep Me Hanging On.

Hi a dhiberthis dhyworth an bagas yn seyth degow, hag a besyas dhe gavos moy es hanterkans plasennow sewen nowydh, ow komprehendya I鈥檓 Coming Out, Upside Down ha Chain Reaction.

Hi a dhellos hy hynsa plasen yn pymthek bledhen, henwys 鈥�Thank You鈥� a-varra y鈥檔 mis ma.

Rita Broe, a Esedhogow Eden a leveris dynerghi dhe Eden ikon ollvysel a鈥檔 par Diana dhe vos enor meur ragdha.

*

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys genev vy Duncan McIntosh; an pennskrifer o Julia Wass. Bys dy鈥橲ul nessa, dohajydh da dhywgh hwi oll.