大象传媒

An Nowodhow: an 28ves a vis Du 2021
Dohajydh da, ha dynnargh dhe dhyllans an seythen ma 'An Nowodhow' war 大象传媒 Radyo Kernow.
*Herwydh derivas Asran Karyans, an governans re afydhyas y hwra ev ri gweres arghans dhe Gonsel Kernow, dres an dhiw vledhen a dheu, rag mentena neyjow ynter Ayrborth Tewynblustri ha Loundres.
Yn sommen, Konsel Kernow a wra degemeres unn poynt eth milvil a beunsow rag surhe y fydh servis ynter Kernow ha Loundres kavadow dres an vledhen oll.
Y鈥檔 termyn yw passyes, proviys veu an servis gans an ayrlinen Flybe bys pan dheuth ha bos an kowethyans skatt yn mis Meurth dew vil warn ugens. Ha warlena, British Airways a dhallathas provia neyjow dres an hav.
Byttegyns, a-dhia an nawves a vis Kevardhu hevlena, y fydh an servis dyghtyes gans Eastern Airways hag a dal provia neyjow ynter Kernow ha Loundres dres an vledhen oll rag degemeres an gweres arghans dhyworth an konsel.
An arghasans ma a veu degemerys yn ta gans Philip Desmonde, esel kabinet Konsel Kernow. Yn medh ev, 鈥淧osek dres eghen yw, rag anedhysi ha鈥檔 gemeneth negys, may fo neyjow didro mentenys ynter Tewynblustri ha Loundres鈥�.
*
Konsel Kernow a dheklaryas y hwra ev ri barlenellow ha tabletys yn kendon dhe鈥檔 re dhiannedh ha dhe dus na yll junya dhe鈥檔 kesrosweyth.
An konsel a wra oberi gans an aluseneth Sen Petroc鈥檚 hag a vynn ri an jynnow-amontya yn kendon dhe鈥檔 re yw skoodhys gensi ha provia trenyans dhedha.聽
Herwydh derivas an konsel, y鈥檔 vledhen dew vil ha nownsek, ny wrussa tredhek kansran a anedhysi Kernow ha Syllan gul devnydh a鈥檔 kesrosweyth bythkweth kyns, ha ny鈥檔 jevo unn tevesik yn peswar sleynethow bysyel selvenel.
An derivas a geworras, 鈥淗a trenyans, yegheswith, ha servisyow erel ow mos moy ha moy warlinen, res yw porres nag yns i gesys war agan lergh鈥�.
Sen Petroc鈥檚 a dal provia kedhlow dhe鈥檔 konsel may hallo ev determya effeythow an ragdres.
Richard Pears, leveryas a-barth an konsel, a dherivas bos mall dhodho oberi gans kesparow erel, hag y hylli py kowethyans pynag ombrofya avel kespar y鈥檔 ragdres ma.
**
Konsel Kernow a wra omgussulya a-dro dhe dhegea nebes kresennow diskwithans yn Kernow orth kuntelles leun a鈥檔 konsel, wosa milvilyow a dus dhe sina petisyon yn y gever.
Lonchys veu an petisyon a-barth an dhadhel gans bagas a gonseloryon anserghek ha sinys veu gans moy es pymp mil dhen. Yn sewyans, synsys vydh an kuntelles an degves warn ugens a vis Du.
An kresennow yn Aberfala, Lannstevan, Essa, Ponswad ha Sen Austel, a alsa bos deges drefen an kowethyans a wra aga dyghtya, Greenwich Leisure Limited y hanow, dhe leverel na alsa ev pesya dhe wul yndella heb skoodhyans arghansel.
Byttegyns, an konsel a leveris nag esa bojet dhodho rag servisyow termyn syger nag yw erghys dre lagha.
Yma hwans dhe鈥檔 bagas a gonseloryon anserghek may fo an mater dedhlys gans an konsel leun, a-der gans an kabinet a dheg person hepken. Yn-medh kyns ledyer an konsel, Julian German, 鈥淒egea an kresennow diskwithans yw mater posek, ow tochya meur a anedhysi, ha gwiw yw may fo ev dedhlys gans an konsel leun鈥�.
*
Milva Tewynblustri re leveris y fydh hy lewyon removys dhe Vilva Paignton y鈥檔 gwenton a dheu.
An dhiw vilva yw dyghtys gans an aluseneth Trest Planet Gwyls, Wild Planet Trust yn Sowsnek, ha, dell hevel, yma fest moy spas kavadow dhe鈥檔 lewyon yn Paignton.聽
An trest a wodhya y fedha vysytoryon ha mayni an vilva trist warlergh an lewyon mes yth esa war y dowl kavos nebes enevales dihaval rag gorra y鈥檊a le.
*
Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Wella Morris. Bys dy鈥� Sul nessa, dydh da dhywgh hwi oll.