大象传媒

An Nowodhow听Sunday 6 February 2022

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 大象传媒 Radyo Kernow.

Yth yw Kernow onan a naw ranndir gelwys dhe gemeres rann yn towlen an governans 鈥渦ghnivelya鈥�.

An strateji dhe dhegea an aswa yntra rannow rych ha boghes a鈥檔 pow a veu diskudhys gans Skrifennyas Ughnivelya, Michael Gove.

Nyns yw hwath dyllys an manylyon a鈥檔 pyth a dhegemersa Kernow herwydh an bargen konteth.

An strateji a lever y hallo bos meryon etholys yn tidro an gwella fordh dhe dhelivra chanj ha 鈥榙omhwelans digressenans鈥�.

An profyans a ver rag Kernow etholys yn tidro re beu gwrys kyns, ha ranna breus, herwydh Gonis Derivas Gwerinieth Leel.

Hembrenkyas Konsel Kernow, Linda Taylor, a鈥檔 Ventenoryon, a leveris bos an governans 鈥渙wth enora y arwostel dhe weres ughnivelya ranndiryow leel.鈥�

Hi a leveris bos 鈥渁n jowl y鈥檔 manylyon hag yma edhom dhyn gweles an pyth a vydh kavadow ha ni ow mos yn-rag.

*

Konseloryon re dhemondyas derivas leun a-dro dhe鈥檔 pyth eth yn kamm gans ragdres lergh diwros a nownsek milyon peuns.

Res o lehe Towlen Lergh an Sens yn-dann dhroppya dew a鈥檔 lergh towlys, wosa kudynnow arghasa ha kavos tir.

Konselor a dheskrifas an ragdres avel 鈥渢erosa absolut鈥�.

Sodhek chif an konsel a leveris restri arghansek oll rag an ragdres dhe vos konsidrys gans an konsel yn y dhaswel a鈥檔 dowlen.

An towl derowel o rag moy es etek mildir a lerghow diwros yn 鈥渢owlen veur dhe skoodhya yeghes ha sewena a anedhysi keffrys ha godrigoryon.

Phil Mason, kevarwodhyas stratejek Konsel Kernow, a afydhyas kyns yn personal y fia an ragdres kowlwrys herwydh towlen ha bojet, mes an konsel a dheklaryas ena bos res dhodho lehe an dowlen.

Hemm a styryas dew a鈥檔 peswar lergh 鈥� Tredhespan dhe Druru, hag Eglosnywlin dhe Growsfordh Bowdir 鈥� dhe vos tennys a鈥檔 dowlen, ha na vydh rannow erel mes a鈥檔 fordh.

Konseloryon war an kessedhek a raglevas yn keskolon Dy鈥橪un eus passys dhe wovyn derivas leun a鈥檔 ragdres.

John Conway, Mentenour, neb a dhervynnas an derivas nowydh, a leveris: 鈥淩e beu degemerys gans an brassa rann a dus bos Lerghow an Sens 鈥渢erosa absolut, deray leun鈥�.

Mester Mason a leveris derivas an konsel dhe dhiskudha bos avis anlowr a鈥檔 kesstudhyow kelmys dhe鈥檔 arghasans proviys gans Fordhow Meur Kenedhlek, hag a sewyas dhe beryllow arghansek rag an konsel.

Mr Mason a leveris bos an konsel owth ewna y strateji ragdresow chatal rag may fydh peryllyow oll konsidrys pan dhegemmer arghasow ha grontys rag towlennow a鈥檔 konsel.

听

*

Penneglos Truru a wra delatya skwychya yn farow y livlugern bys dhe benn a vis Meurth awos 鈥渓ies messach a vern鈥�.

An benneglos a dheklaryas y hwre skwychya yn farow hy lugern wosa penn mis Genver rag achesonys kerghynnedhel.

Sodhek Chif Oberi Sean O鈥橬eill a leveris y fydh konsidrys lemmyn gorthebow kemyskys dhyworth an bobel.

An benneglos a wra berrhe termyn an golowheans a-dhesempis ha hi ow konsidra an pyth a wra y鈥檔 termyn a dheu.

O鈥橬eill a leveris nag yw gober a-lemmyn lowr dhe ventena an drehevyans, kyn feu an ervirans gwrys 鈥渄re vras鈥� rag achesonys kerghynnel.

Y leveris bos dhe鈥檔 benneglos 鈥渄owr yn tevri ow resek der an to鈥�, hag edhom 鈥渆wnansow ter peswar kans peswar mil peuns aga host.鈥�

Ev a leveris na yll an benneglos justifia spena degow a vilyow a beunsow war gevreyth livlugarn nowydh, dell re bia profys gans eseli an bobel.

Penneglos Truru a wra pesya golowhe an drehevyans rag hwarvedhyansow a vri dres an vledhen.

*

Ha wortiwedh hedhyw, rathes re beu kevys yn Syllan, hag ymons i kodros ydhyn mor ha ken bewnans gwyls.

Nebes rathes a veu gwelys war enys dhiannedh An Voth, dres arhwithrans a-gynsow.

Yma bodhogyon owth oberi yn kales dh鈥檃ga ryddya kyns ydhyn dhe dhehweles dhyworth Amerika Soth rag seson dinethyans.

An RSPB a leveris bos an rathes 鈥榥euvyoryon pur skentel鈥�, ha krysi y neuvsons dhe鈥檔 enys a enesow y鈥檊a herghyn.

Yn 2013, rathes a veu removys a Agenys hag Agenys Geow.

Bagas a vodhegyon re selyas tylleryow treustrum war An Voth, rag may finwetthons aga dregyn.

*

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys gans Julia Wass, ha genev vy, Duncan McIntosh. Bys dy鈥橲ul nessa, nos da dhywgh hwi oll.