大象传媒

An Nowodhow: an 20ves a vis Hwevrer 2022
Dohajydh da, ha dynnargh dhe dhyllans an seythen ma 'An Nowodhow' war 大象传媒 Radyo Kernow.
*Aluseneth selys yn Tewynblustri rag gweres boghosoghyon an ranndir na re dherivas hi dhe weles 鈥渒ressyans kowrek鈥� y鈥檔 niver a dus ow hwilas skoodhyans dhyworti.
Acheson an kressyans ma yw, heb mar, an goredhom Kovid, hag an aluseneth, DISC hy hanow, a leveris hi dhe bareusi ha dyllo moy es pymp kans mil sand dhe dus leel a-dhia dhalleth an pandemek.
Dres henna, res yw lemmyn dhe鈥檔 aluseneth ri gweres arghans dhe nebes tus na yll tyli aga reknow gas ha tredan.
Dyghtyores an aluseneth, Monique Collins, a leveris, 鈥楰yns Kovid, yth esa neb hanterkans a dus pub seythen. Lemmyn, y hyllir bos kemmys ha mil, pymp kans den pub seythen a wren ni aga gweres. Henn yw kressyans kowrek a wrussyn y weles, hag yma ev ow tos ha bos gweth.鈥�
*
Konsel Kernow a dhellos gwarnyans a-dro dhe vessajys tekst fug a hevel dos dhyworth system NHS Test and Trace (system Previ ha Tresya yn Kernewek).
Danvenys yw an messajys dhyworth niverow klappkodh, hag yma an konsel ow kussulya eseli a鈥檔 poblek a 鈥榙ybi diwweyth kyns klyckya kevren po diskudha kedhlow personel鈥�.
Elizabeth Kirk, sodhek an konsel a-barth savonow kenwerth a leveris, 鈥榊 hyll an tekstow ma heveli bos pur wiryon, mes ny wrussa an NHS, na Yeghes Poblek Kernow, danvon messajys a鈥檔 par ma dhyworth klappkodh鈥�.
Hi a warnyas y halsa virus po neb eghen a vedhelweyth dregynnus bos iskergys dre glyckya kevren fug, ha gasa dhe falswesyon trovya geryow tremena dhe akontow arghanttiow, po dhe wiasvaow erel, hag yw gwithys y鈥檊as pellgowsell.
Kussul a鈥檔 konsel dhe seul a glyck kevren a鈥檔 par ma dre wall yw dhe dhegea an wiasva, chanjya pub ger tremena, nowedhi system oberi an klappkodh ha lettya an niver a wrug danvon an messach. I a dal ynwedh danvon manylyon a鈥檔 messach dhe Action Fraud.
*
听*
Kok-draylya Kernewek re dorras an rekord rag an kachyans an moyha talvosek dhe vos dres dhe dir yn Lulynn.
An kok, Enterprise y hanow, a gemeras puskes, moy es seyth mil ha peswar-ugens a beunsow aga thalvosogeth, yn unn viaj unnik a eth dydh.
Herwydh Nathan Marshall, kapten an Enterprise, y hwrussons terri an rekord gans moy es unnek mil beuns, ow keworra, 鈥楢linys o an ster鈥�.
An kok-draylya, tri meter ha dew-ugens y hirder, yw an brassa a鈥檡 eghen yn Lulynn hag an moyha nowydh ynwedh, prenys, dell veu, warlena.
Dres an viaj, an mayni a gemeras kans, peswardhek warn ugens a gistyow a worleyth keffrys hag eghennow erel a bysk kepar ha meyl ha korrvarvus.
Mester Marshall a leveris na veu oll an puskes na kemerys war unn dro mes res o dhedha oberi dres eth dydh war an keth hes. Ev a geworras pub esel a鈥檔 mayni dhe dhegemeres rann a鈥檔 lesow, ha bos minhwarth efan war bub enep, heb mar.聽
*
Klub Gyg Brennyas Heyl re dhegemeras skath-revya nowydh gans gweres a arghasans dhyworth Sport England.
Y鈥檔 eur ma, yma Sport England ow profya grontys dhe gowethasow sport dyghtys gans eseli an gemeneth rag aga gweres owth omdhrehevel wosa an goredhom Kovid.
An skath nowydh, Gwinear hy hanow, a veu benygys, henwys ha lonchys orth solempnita war an slynkva yn Heyl.聽
Revyades, Ellie Spiers, a leveris y fedha an gyg nowydh pur bosek rag an klub y鈥檔 termyn a dheu. Hi a geworras bos hemma 鈥渃hons yntanus鈥� a wrussa gasa dhe鈥檔 klub komendya an sport dhe lies den moy.
*
Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Wella Morris. Bys dy鈥� Sul nessa, dydh da dhywgh hwi oll.