大象传媒

An Nowodhow: an 16ves a vis Hedra 2022
Dohajydh da, ha dynnargh dhe dhyllans an seythen ma 'An Nowodhow' war 大象传媒 Radyo Kernow.
*
Oberoryon kyttrin yn Kernow re synsas astelyow ober an seythen ma, hag yth yw war aga thowl restra moy astelyow y鈥檔 seythennyow a dheu.
Restrys veu an astelyow ober gans kesunyans lavur RMT avel rann a gedryn a-dro dhe wober ha studhyow.
Goderrys veu servisyow dyghtys gans First Group dy鈥橪un eus passyes hag yma towlow rag astelyow pella an kynsa warn ugens a vis Hedra, keffrys ha鈥檔 peswora hag ugensves a vis Du.
Yn-medh leveryas a-barth First Group,聽 鈥淒iswaytys yn feur on ni, spit dhe dhadhlow hir, na wrussyn hedhes gorfen hegar dhe omgussulyansow鈥�.
Ev a geworras y hwrussa eseli a鈥檔 RMT denagha profyans an kowethyans dhe gressya gober gans eth poynt hwegh kansran yn mis Gwynngala hevlena, sewys gans kressyans aral a eth poynt tri hansran yn mis Ebrel y鈥檔 vledhen a dheu.
Byttegyns, Mick Lynch, skrifennyas ollgemmyn an RMT, a worthebis y hwrussa First Group聽 budhow a dhew kans, hwegh warn ugens a vilvilyow a beunsow warlena, mes na wrussons i profya marnas unn peuns moy pub our dh鈥檃ga mayni.聽
Yn-medh ev, 鈥淵ma First Group 鈥榦w neuvya鈥� yn arghans hag y halsa gans es pe oberoryon kyttrin kressyans resnadow a wra dyghtya yn rann an goredhom kost bewnans usi ow kwethhe鈥�.聽
*
Herwydh derivas dyllys gans an kreslu, kressya re wrug an niver a alweythow kas yn Kernow ha Dewnens gans ogas ha dew gansran warn ugens dres an vledhen eus passyes, bys dhe ogas ha dew vil, naw kans oll war-barth.
Galweyth kas yw drogober gwrys erbynn nebonan awos aga agh, kryjyans, reydh, reydholedh po evredhder.
Rakhenna, Kreslu Kernow ha Dewnens re restras Seythen Warneth Galweyth Kas.
Gorwolyas Anthony Hart a leveris yth esa an kreslu ow skoodhya fethesigow a alweyth kas hag ev a vynnas 鈥渄anvon messach fest krev na vydh galweyth kas perthys kammen vyth鈥�.

*
Yma aluseneth St Petrocs ow restra kevres a dhiskwedhyansow rag displegya an prevyansow a dus dhiannedh dres an pandemek.
An aluseneth, hag a veu selys rag skoodhya tus ha dhedha kaletterow anedhyans, re dheklaryas y fynn hi kevrenna an hwedhlow a neb deg den ha tri-ugens yn Kernow dre nebes diskwedhyansow a bortrayansow skeusennek. Keffrys ha henna, yth yw war aga thowl dyllo gwiasva ha lyver y鈥檊a hever.
Y talleth an kynsa diskwedhyans orth Gwithti Kernow Riel an ethves a vis Du, ha dew dhydh a-wosa, ygerys vydh diskwedhyans aral orth an Edenva, mes y fydh an nessa diskwedhyans ma displetys mes a ji.
Yma dyghtyoryon an hwarvosow ma ow hwilas tylleryow erel a-dreus Kernow rag ostya an portrayansow.

*
Lewyer kyttrin re leveris ev dhe oberi gordermyn rag provia deg koon rostys ha tri-ugens heb kost dhe deyluyow usi ow patalyas orth an goredhom kost bewnans.
Josh Formby Hugh a geginas oll an konyow y honan ha, gans gweres y gespares, Emma, ha鈥檊a fleghes, ev a lesrannas an voos dhe deyluyow edhommek yn Resrudh, le may mons i trigys. Gweresys veu Josh ynwedh gans gorvarghas leel ha tus an dre.
Yn-medh ev, 鈥淵th eson ni yn plit heb par kyns, may ma tus ow strivya tommhe aga chi, gorra boos war platys rag aga theylu, ha dhe鈥檓 breus vy, fest trist yw hemma, ha res yw dhe bubonan kesoberi ha gul neppyth yn y gever鈥�.
Yth yw war dowl Josh restra hwarvosow a鈥檔 keth par y鈥檔 termyn a dheu hag yma govenek dhodho may fo ev junys gans tus erel ha provia hwath moy konyow.聽*

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Steve Harris. Bys dy鈥� Sul nessa, Duw genowgh hwi oll.

•