大象传媒

An Nowodhow, an 27ves a vis Du 2022
Dohajydh da, ha dynnargh dhe dhyllans an seythen ma 鈥楢n Nowodhow鈥� war 大象传媒 Radyo Kernow.Konsel Kernow a spen moy es 拢40,000 pub dydh rag ostyans a woredhom rag tus dhiannedh. Derivys veu an myns ma dhe guntelles kessedhek towlennans, dell leveris an Gonis Derivas Gwerinieth Teythyek. Y terivis dhe gonseloryon bos 737 a vayni 鈥� 1400 a dus 鈥� yn ostyans anbarghus a woredhom. An konsel re leveris bos barras annedh, re dheu gweth dres hag a-dhia an pandemik Kovid-19. Meur a ostys re astelas rentya, rag may hwerthons aga anedhow po aga threylya yn chiow golyow. Konsel Kernow re settyas seulabrys yn aga thyller krowjiow anbarghus rag tus dhiannedh, owth assaya lehe spenans war weli ha hansel po yn ostelyow a bris isel. Yma nebes krowjiow ryb Lys Kernow ha Lys Koth Kernow yn Truru, hag yma an konsel ow towlenna moy anedha yn Kammbronn ha Tewynblustri, keffrys hag ogas dhe Bennsans.Better Leisure, hag a dhyght 268 a gresennow diskwithans dres an Ruvaneth Unys, dhyworth Porthia bys yn Newcastle-upon-Tyne, re leveris an kost owth ynkressya a vewnans dhe wul dhodho lehe y euryow ygeri yn 鈥渢owlen anbarghus gwav鈥�. An chanjyow, hag a dhalleth mis Kevardhu ha pesya bys Pask, a wra styrya 鈥渘ebes kresennow dhe ygeri unn our diwettha po degea unn our a-varra, nebes dedhyow. Hemma a wra agan gasa skwychya yn farow golowyans, jynnweyth ha daffar pan yw hi yeynna ha tewla. Hemm yw ynwedh pan on ni an lyha bysi.鈥� Yn ken le yn Europa, yma Pow Frynk ow lehe tempredh y bollow-neuvya poblek gans unn gradh Celsius. Yth eder ow finwetha an tommheans yn brassa rann a dhrehevyansow poblek yn Pow Frynk, Spayn hag Almayn orth 19C rag gweres ow tyghtya an barras. Yma Itali ynwedh ow finwetha an tommheans yn drehevyansow poblek.Delays a gerri klavji yn Kernow a 鈥渓ehas yn feur鈥� chonsyow den dhe dreusvewa shora ympynnyon, dell glewas hwithrans. Tony Reedman, 54 bloodh y oos, a verwis peswar dydh wosa perthi shora ympynnyon hag ev yn dy鈥檊ol yn Kernow, mis Metheven 2021. An hwithrans a glewas ev dhe wortos ogas ha dew our ha hanter bys may鈥檔 kemmer karr klavji dhyworth y bennti dy鈥檊olyow dhe Glavji Kernow Riel yn Truru. Yn derivas dhe Skrifennyas rag Yeghes, Steve Barclay, Andrew Cox, pennguruner rag Kernow, a leveris bos lettyans gweliow ha delays a gerri klavji 鈥渢hemys ow taswul鈥� y鈥檔 kasys. Ev a skrifas lewydh medhegel Trest Gonis Karr Klavji Soth West dhe dherivas dhodho kerri klavji 鈥渆rghys rag gorthebow a woredhom dhe vos parkyes yn mes a Glavji Kernow Riel ha godhevysi a-bervedh dres termynyow hir.鈥� Yn kesvenegyans y ros Kesva With Ewngemyskys Kernow ha Syllan, Konsel Kernow, Trest NHS Klavjiow Kernow Riel, ha Trest Fondyans NHS Gonis Karr Klavji Soth West aga heskalarow kolonnek dhe deyluyow a wodhevysi kampollys y鈥檔 derivas.Duk Kernow a wrug y gynsa godrik sodhogel dhe Gernow dy鈥橸ow. An Pryns William a vysytyas Avalennek Tewynbleustri (Newquay Orchard), towlen gemenethel yn tir an dhuketh. An duk a junyas bodhogyon ena y鈥檔 Lowarth, le may hyll tus dyski sleyghnethow nowydh rag gwellhe aga yeghes fisegel ha brysel. Kyns, an pennsevik re leveris bos gwitha an kerghynnedh naturel onan a鈥檡 bennragwiryow.Gool Ilow ha Mordardha Boardmasters re dheklaryas bos Liam Gallagher ha Florence + The Machine pennartydhyon y鈥檔 gool yn Tewynblustri an 9ves bys an 13ves a vis Est 2023. Synsys yw an gool, hag a denn ogas dhe 50,000 a dus, dell yw usys, yn Porth Tregurien ha Treth Fystal.Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy鈥橲ul nessa, dydh da dhywgh hwi oll.