大象传媒

An Nowodhow: an 12ves a vis Meurth 2023

听

Dohajydh da, ha dynnargh dhe dhyllans an seythen ma 'An Nowodhow' war 大象传媒 Radyo Kernow.

*

Yma rannow a Gernow ha Dewnens hwath yn studh a seghter drefen bos le a dhowr y鈥檊an kreunyow es dell usys y鈥檔 seson ma.

Ytho, yma Dowr Soth West ow tewlel towl dhe dhrehevel diw weythva arbennik rag remova an holan dhyworth dowr a鈥檔 mor may fo salow dh鈥檡 eva.

Ny wrug an kowethyans diskudha le may fo desedhys an weythvaow disallans ma, mes yma ev hwath ow hwilas kummyas dhyworth Maynorieth an Kerghynnedh ha Konsel Kernow rag aga drehevel.

David Harris, a-barth Dowr Soth West, a leveris na yllir trestya dhe鈥檔 hin namoy rag lenwel agan kreunyow gans glaw pub bledhen hag, yn sewyans, res vedha displegya 鈥減ennfentynnyow a dhowr omma yn Kernow na greg war an hin鈥�.

Yma govenek may hallo an gweythvaow nowydh askorra kemmys ha tri-ugens milvilyow a litrow a dhowr glan pub dydh 鈥� henn yw leverel, a-dro dhe dressa rann a鈥檔 dowr yw res dhe anedhysi Kernow.

Mar pe an towlow ma sewen, y hallsa an kowethyans drehevel hwegh gwethva moy a鈥檔 keth par war arvor Kernow.

听

*

Bagas a vodhogyon a guntel hag ena don proviansow dhe Ukrayne re leveris bos y gansves kertik kergys ha parys dhe dhiberth war-tu ha鈥檔 pow na.

Hanow an bagas yw Kernow ha Dewnens ow Tanvon Kerensa dhe Ukrayne, ha selys veu nans yw vledhen yn Kelliwik gans Darren Tait.

An bagas a dhegemer donesonow a bub parth a Gernow ha Dewnens ha鈥檊a danvon dhe Ukrayne yn kertigow pub hwegh seythen, po a-derdro, hag yn skon y hwra unnek kertik moy diberth war-barth war-tu ha Warsow.

Mester Tait a leveris y hwrussa an bagas danvon 鈥減uptra dhyworth skubyllen dens bys dhe garr klavji ha gorell鈥�.

听

*

听

*

听

Kowethyans yn Aberfala hag a ewnha gorholyon re dheklaryas ev dhe dhegemeres onan a鈥檔 brassa lestri re beu danvenys dhodho rag y dhyghtya.

Yma gorhel baner lu lestri Fred Olsen, Bolette y hanow, ow pos ewnhes gans an kowethyans A&P yn y seghborth ha, dell hevel, yth yw ev an brassa gorhel morviaj dhe vos degemerys a-ji dhe seghborth kernewek dres an tri ugens bledhen yw passyes.

Leveryas a-barth A&P a leveris bos mayni an kowethyans owth oberi peswar our warn ugens pub dydh rag kowlwul an ewnheansow hag y fedha an kost anedha lies milvil beuns.

鈥淎mbosow kepar ha hemma a weres dhyn ow sostena agan mayni, towlen gynserneth ha kadon-provia, hag a generth sewena ha keworra talvosogeth socyal gwir鈥�, yn-medh ev.

听

*

Klub nowydh re beu dallethys yn Lanngorow, ogas dhe Dewynblustri, rag dasserghi an sport hengovek a revya skathow gyg brennyas y鈥檔 wig na.

Yma seulabrys a-dro dhe gans esel ha hanterkans y鈥檔 klub, hag i re sevis arghans lowr rag prena gyg nowydh, Brabyn y hanow, dhyworth Klub Gyg-Revya Lannwedhenek.

Omguntel a wrug a-dro dhe gans den warn ugens war dreth Lanngorow rag gweles an gyg bos lonchys yn Dowr Ganel.

Herwydh eseli an klub, pur sewen o para gyg Lanngorow a-varr y鈥檔 ugensves kansbledhen mes ny wrug an klub treusvewa termyn hir wosa Nessa Bresel an Norvys. Ytho, hemm yw an kynsa gyg dhe vos perghennys gans an wig a-dhia an vledhynnyow hanterkans.

Iskaderyer an klub, Graham Cooper, a leveris bos hemma fest posek rag kemeneth Lanngorow ha geworra 鈥淣i a鈥檊an beus kemeneth dha yn neb kas, mes hemm yw acheson aral rag tus dhe omguntel war-barth鈥�.

Leveryas a-barth Klub Gyg-Revya Lannwedhenek a dherivas aga bos pur drist dhe gelli Brabyn mes yn kettermyn, pes da dhe wodhvos y fedha ev 鈥渞evyes ha chersyes鈥� gans y berghenogyon nowydh.

*

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Steve Harris. Bys dy鈥� Sul nessa, Duw genowgh hwi oll.