大象传媒

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 大象传媒 Radyo Kernow.

1/4听听听听听听听听听听听听听听听听听听听听听听听听听听听听听听听听听听

Kerens gweythor gweres, neb a veu ledhys yn Ukrayn est, a wra vysytya an pow, er kov a鈥檊a mab.

Chris Parry, eth bloodh warn ugens hag yn terowel dhyworth Kernow mes trigys yn Cheltenham, a verwis ryb tenewen kesvodhek Andrew Bagshaw yn mis Genver.

Y leverir yth attamya an dhew sawya benyn pan veu aga harr skwattys gans tanbellennik yn Soledar.

Kerens Chris, Rob ha Christine Parry aga henwyn, a leveris an chons dhe vysytya an pow dhe vos 鈥測aghus鈥�.

Mester Parry, dhyworth Truru, a dhallathas lewya dhe Ukrayn dy鈥橲ul eus passys, gans konvoy gweres restrys gans artydh a Garlow, Russell Haines y hanow.

An re erel a鈥檔 teylu Parry a wra vysytya diwettha yn mis Est gans viaj junys ow provia gweres gans Fynn Watt, neb yw bodhek ombrevys dhyworth Pow Rysoghen.

Mestres Parry a leveris y fynnons i 鈥渙mbrevi an pyth a ombrovas Chris鈥�, dre gerdhes yn y bassys yn Ukrayn - kyn na wrons vysytya an tyller may ferwis Chris y鈥檔 prys ma awos danjer a bes.

Mestres Parry a leveris y鈥檔 jeva Chris passyon meur a-dro dhe Ukrayn, hag y tallathas ev provia gweres degerensedhek ena y鈥檔 kynsa seythennyow a鈥檔 gas.

Yn medh hi, 鈥減an kewsyn ni dhodho, determys o va dha鈥檊a gweres ow fetha an anjustis hag esons i ow perthi.鈥�

鈥淣i agan honan a omglew an keth passyon a-dro dhodho lemmyn,鈥� hi a geworras.

2/4

Profyans rag ogas ha 200 annedh dhe vos drehevys yn kerghyn Resrudh, re beu komendys yn unver gans konseloryon.

An ragdres hag yw hembrenkys gans Konsel Kernow yw gwaytys gweles pymp chi ha naw ugens [185] drehevys war dir yn Talgos, ryb tenewen niver drehevyansow kenwerthel.

Y teu an komendyans yn despit war brederow y halsa kawsya livans y鈥檔 arenebedh.

An anedhow a vydh drehevys gans displegyer, 鈥楾reveth鈥� y hanow, war dhiw rann a dir perghennys gans an konsel ogas ha鈥檔 A30.

Metyans kessedhek towlennans is-arenebedh west a veu kedhlys bos an displegyans 鈥榯roboyntel鈥� rag esya an barras treveth y鈥檔 ranndir, herwydh Gonis Derivas Gwerinieth Leel.

Konseler Loveday Jenkin a sevis prederow a-dro dhe vewdhiversedh ha koll a rugek war an tyller mars yw an displegyans drehevys, ha mynnes kavos surneth y fydh ekologydhyon omvyskys yn omgussulyansow a鈥檔 elven gerghynedhel ha tirwedhel a鈥檔 ragdres.

An metyans a glewis ynwedh bos bernyow gans anedhysi Tyller Talgos a-dro dhe livans.

Kussulyer towlennans Ian Roach y hanow a leveris y fydh oberennow gwrys gans drehevyans a dhrehevyansow kenwerthel, ha keworra na gawsa an dowlen garthkluthyans livyow war-woles a鈥檔 fros, hag o preder Konsel Pluw Porthtreth.

3/4

Tyller istorek yn Kernow, aswonnys avel tyller genesigeth diwysyans pri gwynn, re beu profys dhe wertha.

Bre Gonan, ogas ha Hellys, yw men kov kovskrifys, gans gwelyow ledan a鈥檔 mor ha powdir.

Yth yssyns meyn kov bys dhe鈥檔 Oos Horn aga oos, hag yw an kynsa tyller may feu balweyth pri gwynn, gans feryl a Aberplymm, William Cookworth y hanow, yn mil seyth kans eth ha tri ugens. [1768]

An tyller, deg erow ha tri ugens y vraster, yw profys dhe wertha gans maynoryon stat Lillicrap Chillot aga hanow, orth pris a gans ha hanterkans mil a beunsow.

An maynor stat a leveris bos komprehendys y鈥檔 tyller krugow ynkleudhyans Oos Brons, ker Oos Horn, Kastel Pencaire y hanow, kevreyth pras kresosel gwithys yn ta, mengleudh may krysir pregoth John Wesley, ha men kov bresel.

Rann a鈥檔 vre yw henwys Tyller a Les Skiensek Arbennik ha鈥檔 brassa rann a鈥檔 tyller yw tir hedhas hag yw treusys gans trolerghow poblek.

Awos y vos men kov kovskrifys, yma edhom a gavos kummyas dhyworth Pow Sows Istorek dhe wul ober.

Lillicrap Chillot a leveris an tyller, perghennys y鈥檔 eur ma gans person leel, dhe vos 鈥榬ann varthus a Gernow, awos y istori ha tekter naturek.

Y leveris y tynnergh bern privedh, alusen, ha poblek a鈥檔 tyller.

4/4听听听听听

Ha wortiwedh hedhyw, alusen evredhegieth re lonchyas ragdres nowydh hag a veder solempnya ha dyski sleyneth hengovek, y鈥檊a mysk gul pastiow ha felt.

Ober re dhallathas orth Ragdres Gwriansow Ertach ha Sleyneth Adhyskans Bosskawen yn Truru, oberys gans United Response.

Fondys yw dre ront a gans mil a beunsow dhyworth Arghas Ertach Gwari Dall Kenedhlek, hag a ober ryb tenewen steusow erel.

*

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys genev vy Duncan McIntosh, an pennskrifer o Wella Morris. Wella a vydh genowgh nessa seythen, bys ena dhyworthiv vy, dohajydh da ha kemerowgh with.

听