大象传媒

An Nowodhow: an 20a a vis Est 2023

听

Dohajydh da, ha dynnargh dhe dhyllans an seythen ma 'An Nowodhow' war 大象传媒 Radyo Kernow.

*

Delatys re beu skol nowydh dhe vos drehevys yn Porthperan.

Warlena, Cherilyn Mackrory, Esel Senedh a-barth Truru hag Aberfala, a dheklaryas y fedha an skol ygerys erbynn mis Gwynngala, dew vil ha pymp warn ugens. Byttegyns, an seythen ma, an Asran Adhyskans a dherivas y fedha an dedhyas na delatys bledhen, bys dhe vis Gwynngala dew vil ha hwegh warn ugens.

Dres henna, ny wra an skol degemeres marnas mil dhyskybel ha hanterkans, yn le mil, tri hans ha hanterkans, dell veu ragwelys y鈥檔 towl derowel.

Tyller gwiw rag drehevel an skol nowydh re beu profys ogas dhe Vena Lyski mes ny wrug Konsel Kernow degemeres profyans-towlenna hwath.

An skol a wra servya an kemenethow Breanek, Porthperan, Goonhavar hag Egloskubert ha hi a vydh dyghtys gans Trest Akademi Truru ha Pennwydh.

Drehevys vydh an skol gans arghasans dhyworth an Asran Adhyskans avel rann a鈥檡 Thowlen Skolyow Rydh.

Skolyow a鈥檔 par ma yw arghesys gans an governans mes nyns yns i dyghtys gans an awtorita leel, hag yndelma moy anserghek yns.

听

*

听

Penn tir Penndinas re beu treusworrys gans Konsel Kernow dhe Gonsel Tre Aberfala orth kost a unn peuns hepken.

Avel rann a鈥檔 bargen, an aluseneth Termyn Syger Penndinas re wobrenas Kresen Worholyon ha Kastylli dres kans, pymp warn ugens a vledhynnyow heb kost.

Degys veu an gresen warlena mes an aluseneth a dherivas y fydh hi dasygerys yn skon avel kresen gemeneth. Yma towlow dhe鈥檔 aluseneth drehevel pol-neuvya nowydh, pymp meter warn ugens y hirder, keffrys ha kresen aktivitys liesporpos.

Carol Mould, a-barth Konsel Kernow, a leveris, 鈥淭reusworra servisyow ha tylleryow gwiw dhe vaystri kemenethow yw rann posek a鈥檔 bargen ma鈥�.

Ha Meres Kirstie Edwards a worthebis y hwrussa an bargen fastya ertach an penn tir 鈥渞ag les a bubonan bys vykken鈥�.

听

*

*

听

Dewdhek skath-golya hir a vysytyas Aberfala an seythen ma avel rann a hwarvos keswlasek.

Delatys veu an hwarvos ma yn dew vil, onan warn ugens, keffrys ha鈥檔 vledhen kyns, awos an pandemek koronavirus mes, yth o hemma an hweghves prys a wrug Aberfala ostya an res Magellan-Elcano.

Y teuth skathow dhyworth lies pow, y鈥檊a mysk Meksiko, Danmark, Poloni, Urugway, Spayn hag Itali, ha dalleth a wrug an res dy鈥橤wener eus passyes.

Wosa gasa Aberfala y hwra an skathow resek bys dhe A Coruna yn Galicia, kyns pesya bys dhe Cadiz hag alena dhe Lisboa.

Meres a Aberfala, Kirstie Edwards, a leveris hy bos 鈥渓owen dres eghen鈥� dhe dhegemeres an skathow hir dhe鈥檔 dre arta wosa naw bledhen.

Yn-medh hi, 鈥淧orth naturel teg Aberfala ha鈥檡 komodytys kooth a styr bos agan tre dewis naturel rag hwarvos a鈥檔 par ma鈥�.

听

*

听

Herwydh mayni Gwithva Reunyon Kernewek yn Gwig, tamm kemyskys yw aga reunyon gans an gewer ansesonek y鈥檔 eur ma hag i re dhallathas ombareusi rag an gwav.

Yma an reunyon ow moutya a-varr, dell hevel. Henn yw leverel, ymons i ow kelli aga milvlew koth ha tevi kota nowydh. Herwydh usadow, hemm yw neppyth a hwer diwettha y鈥檔 vledhen.

Tamara Cooper, ow kewsel a-barth an withva, a leveris bos hemma 鈥渒oynt dres eghen鈥�.

Yn-medh hi, 鈥淵 hyllir bos may fo nebes anedha tamm kemyskys gans an gewer dewl鈥�, ha keworra, 鈥淎n argerdh a dhevnydh meur a nerth, drefen bos res dhedha kressya fros an goos dhe鈥檔 groghen y鈥檔 eur ma, ytho, ymons i ow spena meur a dermyn owth omdhiskwitha鈥�.

Herwydh Ms Cooper, an reunyon re erviras na dal oy an hav ma.

听

*

听

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Wella Morris. Bys dy鈥� Sul nessa, Duw genowgh hwi oll.