大象传媒

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 大象传媒 Radyo Kernow.

*

Kowethyans hag usi ow kynnik dhe dhrehevel hag oberi kowbalow nowydh dhe Enesek Syllan, a lavas y hwrussa lehe prisyow viaj a gwartron.

Harland and Wolf a vynn oberi an servis dre dhevnydh a eth ha dew ugens milyon a beunsow arghasans ughelheans, an pyth nag yw hwath gorrys.

An hyns yw y鈥檔 eur ma servys gans Bagas Gorhel Tan Enesow Syllan, mes yma edhom a arlehe aga lestri trethysi ha karg a-lemmyn.

Chif Harland and Wolf, John Wood y hanow, re beu yn Syllan, ow kewsel dhe bobel an Enesek a-dro dhe鈥檔 towlow.

Mester Wood a leveris i dhe ragweles a leheans a-dro dhe ugens kansran po pymp warn ugens.

An towlow a omvysk drehevel unn lester rag trethysi ha karg dres an vledhen oll, ha nessa skath rag treusyans uskis dres misyow bysi an hav.

Y hwaytir y fydh oberi yn dew vil pymp warn ugens [2025]

Mester Wood a leveris: 鈥測n le drehevel dew lester nowydh, ni a breder bos edhom a onan yn unnik 鈥� hag a via eghen 鈥榬opax鈥�.

Ev a leveris y krysons y fydh an kowbal uskis omskoodhys ha na vydh kemyskys yn ombrofyans vyth rag arhasans ughelheans.

Konsel Syllan a leveris y 鈥減es oberi gans an governans dhe surhe arhasans ughelheans, hag yw kevrynnys dhe wellhe mellow mor Syllan, dhe vos hwath kavadow ha skoodhya prisyow afordyadow rag trethysi ha karg.鈥�

Mester Wood a leveris ev dhe vos 鈥榮owdhenys鈥� gans gorthyp pobel an Enesek dh鈥檃ga thowlow.

Ev a goslowis messach kler y kodh dhe鈥檔 servis bos afordyadow, oberi dres an vledhen oll, ha bos reyth.

An kowbal trethysi a-lemmyn, Scillonian III hy hanow, a veu drehevys rag Bagas Gorhel Tan Enesow Syllan gans Harland and Wolf yn mil naw kans seytek ha tri ugens [1977].

Ny wra an kowethas gorhel tan ombrofya rag arghasans governans, mes y kevis tredhek warn ugens poynt hwegh a vilyon a beunsow chevisys dhe be rag an tri lester nowydh.

An tri a vydh kowbal trethysi, lester karg, ha skath hag a dheg karg yntra An Nor ha鈥檔 enesow erel.

Y鈥檔 mis Gwynngala, an kowethas a dheklaryas an kowethyans neb a vydh ow trehevel an lestri dhe vos Pirou.

An lestri a vydh drehevys yn Vietnam, pareusys yn Breten Vyghan, hag owth oberi erbynn dew vil hwegh warn ugens [2026], dell leveris an kowethyans.

Pennweythresek Bagas Gorhel Tan Enesow Syllan, Stuart Reid y hanow, a leveris bos gwaytys niverow trethysi moghhes 鈥� an lester nowydh a yll degi hwegh kans trethyas, dalghuster karg kressys, hag yn arbennik, fastellow rag viaj gwellhes yntra Pennsans ha Syllan.

Ev a leveris an pris leel rag an kowbal dhe besya, hag 鈥測 fydh moghheans byghan yn prisow vyaj, mes bos kappa war an pris na orth pymp kansran gans hwethans dres an diw vledhen a dheu.鈥�

Ev a geworras bos hwethans wosa henna ha nag o gwir an kynhwedhlow a-dro dhe brisyow triflekhes.

*

Yma fylm berr, tennys yn tien yn Kernewek ow talleth tro golyow fylm Ruvaneth Unys.

鈥楾rengellick Rising鈥� - gwrys yn gwynn ha du gans skrifer ha kevarwodhyer Guy Potter y hanow, a veu fondys der argevrohow dhyworth an bobel.

Ev a leveris y fynnas ev bos rann a vovyans dhe dhasserghi yeth minoryta Keltek.

Selys yn Kernow y鈥檔 kansvledhen etegves, an fylm a sew hwedhel Privat Gerren Pasco, neb yw danvennys dhe selva bell wosa bos breusys a dhrogober heb trial.

Kesordener askorrans, Rachel Clear Burton hy hanow, o yntanys gweles an argemmyn rag an fylm.

Y leveris hi, 鈥渕y re鈥檔 gwelas dhyworth an welva moy hewul, ow komprehendya draylya daffar dres Goon Bren.

鈥淵tho y weles war skrin bras o prevyans pur arbennik,鈥� yn medh hi.

Gwarioryon ha mayni oll yw selys yn Kernow. Askororyon a leveris an fylm dhe dhevnydhya kemmys roas gwruthyl fylm, hag o kavadow.

Premiere Trengellick a vydh gwelys yn Gool Fylm Encounters yn Brystow, kyns bos displegys dhe cinemas anserghek dres an Soth West.

*

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys genev vy Duncan McIntosh, an pennskrifer o Wella Morris. Kensa Broadhurst a vydh genowgh nessa seythen, mes bys ena, dhyworthiv vy, seythen splann genowgh.

听

听