大象传媒

RECORDING 1:
Meur ras ha myttin da. Yma an ughella breuslys alweythel yn Kernow owth esedha le dedhyow, avel rann assayans an governans dhe lehe spenans.
Yma Breuslys Kurun Truru owth oberi peswar dydh pub seythen bys dhe vis Meurth.
Dell dherivis leveryas rag Menystrans Justis, 鈥渙mres yw an governans ma dhe dakla bern a gasys Breuslysow Kurun ow kwaytya,鈥� kynth o strothys gans heryans erbysiek chalenjus.
Y leveris an governans nowydh dhe gressya sommen dedhyow-esedha Breuslys Kurun dres Pow Sows ha Kembra a bymp kans dhe voy es kans mil.
Y keworras gwriansow dhe ystyn gallosow justisyow dhe ri breusow hirra a hwegh dhe dhewdhek mis dhe livra a-dro dhe dhew vil dhydh rag breuslysow Kurun.

Thank you and good morning. Cornwall's most senior criminal court is sitting for fewer days as part of government efforts to reduce spending.
Truro Crown Court is operating for four days a week until March.
A spokesperson for the Ministry of Justice said 鈥渨hile it was bound by a challenging financial inheritance, this government is committed to bearing down on the Crown courts backlog."
It said the new government had increased the total number of Crown court sitting days across England and Wales by 500 to over 100,000.
It added moves to extend magistrates' powers to hand out longer sentences from six to 12 months would free up about 2,000 days for Crown courts.

RECORDING 2:
Synsys re beu gwrians dhe verkya 鈥渄ydh genesigeth鈥� dew lester, hag yw gwaytys bos devnydhys rag treusyans yntra Pennsans ha Syllan.
Bagas Gorhel Tan Enesow Syllan a wrug solempnita desedhans keyn, yn lesterva drehevoryon skath Frynkek, Piriou aga hanow, yn Vietnam, dhe verkya drehevyans Scillonian IV, ha鈥檔 lester karg, Menawethan.
Konsidrys yw an desedhans keyn dhe vos genesigeth lester sodhogel, hag yw men mildir y鈥檔 argerdh, dell leveris an bagas.
Gwaytys yw an dhew lester dhe vos dros dhe wonis yn dew vil hwegh warn ugens [2026].
Sodhogyon dhyworth Ruvaneth Unys, Pow Frynk, ha Vietnam a attendyas an solempnita, y鈥檊a mysk kannas Predennek rag Vietnam, Iain Frew y hanow.
Kowethas Gorhel Tan Enesow Syllan a leveris y fydh yn Scillonian IV spas rag hwegh kans trethyas, hag yw peder kansran warn ugens moy es Scillonian III. Y fydh dhodho ynwedh teknegieth fastheans rag may hwra viajys moy es rag trethysi.
An Menawethan, hag yw henwys warlergh onan a鈥檔 dewdhek enesigow est Syllan diannedh, a wra arlehe Gry Maritha.

An event has been held to mark the "birthdate" of two ships set to be used for the crossings between Penzance and the Isles of Scilly.
The Isles of Scilly Steamship Group performed a keel-laying ceremony at French boatbuilder Piriou's shipyard in Vietnam to mark the building of the Scillonian IV and the cargo vessel Menawethan.
The keel-laying is considered by people in the boat-building industry as the official birth of a vessel and was a "significant milestone" in the process, the company said.
Both vessels are set to be brought into service for the crossing in 2026.
Officials from Britain, France and Vietnam attended the ceremony, including British Ambassador to Vietnam Iain Frew.
ISSG said the Scillonian IV will have space for 600 passengers, which was 24% more than her predecessor, and have stabilisation technology to make journeys more comfortable for passengers.
The Menawethan is named after one of the twelve eastern islets will replace the Gry Maritha and has been named after one of the 12 uninhabited eastern isles which are part of the Isles of Scilly.

RECORDING 3:
Sodhva Bost Lysardh yw gwaytys dhe dhegea nessa mis, wosa y wobrenoryon a beswar degbvledhen dhe vovya war-rag.
Len ha Linda Trott a dhallathas dyghtya Sodhva Bost Lysardh yn mil naw kans eth ha peswar ugens [1988]
Mr Trott, nawnsek bloodh ha tri ugens y oos, neb usi owth omdenna, a leveris y fydh 鈥渄ydh trist鈥� awos bos dhe鈥檔 penntir y sodhva bost y honan dres moy es hwegh ugens bloodh.
An Sodhva Bost a leveris hy bos ow kelwel gobrenoryon botencyal dhe dhos a-rag ha dyghtya an gwerthji, mes ny wrug den vyth yndella hwath.
Drehevys veu an sodhva bost hy honan yn mil eth kans seytek ha peswar ugens, hag yma dhodho hwath lies a鈥檡 gnasyow istorek, ow komprehendya komptyer derowel a brenn, ha desk a brenn, brest y dhornlaow.

The Lizard Post office is set to close next month, as its long-term tenants move on after nearly four decades.
Len and Linda Trott took over running The Lizard Post Office in 1988.
Mr Trott, 79, and who is retiring, said it would be a "sad day" as the peninsula had had its own post office for more than 120 years.
The Post Office said it was inviting potential tenants to come forward and run the shop but no-one had done so yet. It said the facility would close on Wednesday 4 December at 17:00 GMT.
The Post Office itself was built in 1897 and still has many of its historic features, including the original wooden counter and a solid wooden desk with brass handles.

Pic: St Michael's Mount by bbtues

Show less