Y rhai fydd yn prysur bwyso . . .
John Fisher o Opera Cenedlaethol Cymru yw cadeirydd beirniaid y ddwy gystadleuaeth ac yn ymuno â beirniaid y brif gystadleuaeth am y tro cyntaf eleni bydd y soprano fyd-enwog o Bontnewynydd, Gwent, Y Fonesig Gwyneth Jones.
Camp fawr fydd dod o hyd i docyn ar gyfer y brif gystadleuaeth. Mae'n arferiad gan nifer o'r ffyddloniaid i archebu eu tocynnau ar gyfer y gystadleuaeth nesaf yn union ar derfyn yr un gyfredol.
Mae mwy o obaith am docyn i gystadleuaeth y Datganiad, yn arbennig y rowndiau hynny a gynhelir yn y Theatr Newydd ar brynhawniau Sul, Llun a Mawrth.
Byddai'n werth ymholi am rownd derfynol y gystadleuaeth hon, hefyd, yn Neuadd Dewi Sant, nos Wener, Mehefin 12.
O fethu hynny, bydd digon o gyfle i weld a chlywed y cystadlu ar ´óÏó´«Ã½2 Wales, ´óÏó´«Ã½ Two, ´óÏó´«Ã½ Four, ´óÏó´«Ã½ Radio 3, ´óÏó´«Ã½ Radio Cymru, ´óÏó´«Ã½ Radio Wales ac arlein.
