Pobol Nia - 3
Trydydd cyfraniad Nia Lloyd Jones, un o'n blogwyr gwadd yn Eisteddfod yr Urdd
Nia sydd yng nghefn y llwyfan yn holi cystadleuwyr a phobl ddifyr eraill ar gyfer ´óÏó´«Ã½ Radio Cymru. Dyma ei chyfraniad olaf:
Dydd Sadwrn - diwrnod yr aelwydydd!
Sôn am hwyl!!
Ges i sgwrs hefo glamp o gantores opera mewn ffrog binc a wig gwyn - o Aelwyd Crymych - cystadleuaeth y chwarter awr o adloniant. Pwy oedd yn cuddio dan y wig ond doctor ifanc o'r enw Dylan!
Ron i wrth fy modd yn ystod cystadleuaeth y corau meibion tri llais - a'r hogia i gyd yn canu can Maharishi - Ty ar y Mynydd a brawd Gwil Maharishi yn canu hefo criw Aelwyd Bro Cernyw, ac yn goron ar y cyfan mi ges i sws wedyn gan Huw Pen Cefn - aelod o'r aelwyd honno - oedd yn dathlu ei ben-blwydd yn 21 oed!
A dyna ni - steddfod arall yn dod i derfyn. Diolch i bawb am fod mor barod i sgwrsio, ac os byw ac iach - mi wela i chi gyd yng Ngheredigion flwyddyn nesa.
