Hau geiriau
Ambell beth a glywyd ac a ddarllenwyd yn ystod yr wythnos a fu. Casgliad wythnosol o sylwadau a welwyd yn y wasg ac a glywyd ar y cyfryngau Cymreig.
A beth am rannu ambell i sylw dwys, doniol neu ddifyr a welsoch chi. . .
Archifau Chwefror 2011
Dychweliad
Yn y papur Sul cawsom wybod dipyn mwy am fenter fawr yr actor Michael Sheen ym Mhorth Talbot dros y Pasg.
Bydd yn dychwelyd i fro ei febyd i gymryd rhan mewn pasiant tri diwrnod nas gwelwyd ei debyg erioed o'r blaen yng Nghymru.
Yr actor sydd wedi bod yn wyneb Tony Blair, Brian Clough a David Frost mewn ffilmiau fydd yn chwarae rhan y prif gymeriad "Crist debyg" yn y pasiant ac yn cyfarwyddo.
Ambell ddyfyniad
Rhai pethau a glywyd ac a ddarllenwyd yn ystod yr wythnos a fu. Casgliad wythnosol o sylwadau a welwyd yn y wasg ac a glywyd ar y cyfryngau Cymreig.
A beth am rannu ambell i sylw dwys, doniol neu ddifyr a welsoch chi. . .
Wedi dod
Mae hi wedi dod. Ond o ble daethost ti yn wir. Eitem fach hyfryd am fy hoff flodyn ar Wedi Saith nos Fercher diwethaf - gallwch ei gwylio ar os bu ichi ei cholli.
Ydi, mae'r Lili Wen Fach, neu'r Eirlys yn llonni'n gerddi o'r diwedd a'u petalau fel pe byddent am dincial yn yr awel oer.
Twm Morus, ar Wedi Saith, yn ffafrio yr enw Lili Wen Fach am ei fod meddai yn ymddangos fel enw y byddai [plentyn yn ei roi yn gwbl naturiol ar y blodyn eithriadol o dlws hwn.
Cawodydd o areithwyr sych
Do, fe gefais innau hefyd profiad o sefyll yn y glaw yn gwrando ar areithwyr sych yn methu dod o hyd i ddiwedd eu truth.
O'r herwydd gallwn gydymdeimlo â Mari Emlyn pan yw'n holi ym mhapur bro Bangor a oes prinder areithwyr da ymhlith y to presennol o Gymry.
Camu mlaen 'da'r sigdiau
Y newyddion da ydi bod ymgyrch hel esgiadau ar gyfer Eisteddfod Genedlaethol Wrecsam fis Awst yn brasgamu 'mlaen.
Ac wrth i nifer yr esgidiau gynyddu - felly hefyd y galw am eiriau mwys troediadol i sôn am y peth.
Waugh yng Nghymru
Cefais fy synnu braidd gweld mai fel awdur y nofel Scoop y mae'r nofelydd Evelyn Waugh yn cael ei ddisgrifio yn y papur newydd y bore ma.
Wedi'r cyfan, er mor ddifyr yw hi, go brin mai hon yw'r enwocaf o'i nofelau. I'r darllenydd cyffredin byddai wedi golygu mwy ei ddisgrifio fel awdur Brideshead Revisited , dyweder.
Mewn gair
Wylit, wylit, Lywelyn - golwg gohebydd papur newydd ar hen drychineb. Detholiad o ddyfyniadau a welwyd yn y wasg ac a glywyd ar y cyfryngau Cymreig yn ystod yr wythnos.
A gwahoddiad i chi rannu sylwadau dwys, doniol neu ddifyr a welsoch chi . . .
- Ym myd trychinebau cenedlaethol, mae colli i Loegr gyfartal â thorri pen Llywelyn y Llyw Olaf - Carolyn Hitt yn y 'Western Mail' wedi'r gêm yn erbyn Lloegr. Iddi hi efallai.
- Ac mae'n gwneud imi chwerthin. Mae'n ddieflig o olygus - a phowld - ac yr ydw i'n ei fwynhau gymaint, fatha trît - Duffy yn dal i werthfawrogi ei chariad Mike Phillips, er gwaethaf barn gohebwyr chwaraeon.
- Dydw i erioed wedi cymryd llawer o sylw o ymosodiadau dienw gan eu bod fel arfer ymhell o'r gwir - Carwyn Jones AC y Prif Weinidog yn dilyn cwyn fod aelodau Llafur dienw wedi bod yn ei bardduo.
- Gofynnodd y cwestiwn ar ddiwedd gwyliau ardderchog ar arfordir Mecsico ac wrth gwrs fe ddywedais y gwnawn - Katherine Jenkins yn egluro sut y bui iddi hi a Gethin Jones ddyweddïo.
- Wrth i gwmnïau alcohol noddi digwyddiadau, mae'r neges yn cael ei chyfleu bod yfed alcohol yn normal, a hyd yn oed yn angenrheidiol er mwyn cael hwyl a mwynhau'r fath ddigwyddiadau - .
- Y mae'n help mai byd rygbi ydyw; sydd, a siarad yn gyffredinol, yn llawer mwy deallus a soffistigedig na byd pêl-droed yn nhermau'r bobl sydd yn y gêm ac o'i chwmpas - Christian Louboutin y dylunydd esgidiau a ffrind newydd Gareth Thomas yn egluro yn y 'Wales on Sunday' pam y cafodd y cyhoeddiad fod Thomas yn hoyw ei dderbyn ymhlith chwaraewyr rygbi.
- 37 y cant - y ganran uchel o famau yng Nghymru sy'n parhau i smocio pan fo nhw'n feichiog; mwy nag yn unman arall yn y Deyrnas Gyfunol. Maen nhw hefyd yn yfed mwy o alcohol na merched beichiog gwledydd eraill Prydain.
- Yr oedd yn drysor cenedlaethol Cymreig; fe ddylen nhw fod yn codi cofebau i Margaret - Peter Watkins-Hughes, cyfarwyddwr ffilm yn talu teyrnged i Margaret John.
- Po fwyaf roeddwn i'n paentio neu'n ceisio paentio yn ei arddull o, po fwyaf roeddwn i'n sylweddoli pa mor athrylithgar oedd o, mor anhygoel o dda - yn sôn am y profiad o geisio peintio llun yn arddull Kyffin Williams ar gyfer cyfrwes deledu newydd sy'n cychwyn Chwefror 16 ar ´óÏó´«Ã½1.
- Er gwaethaf ambell fisteg ramadegol credaf ei fod yn gwneud mwy dros yr iaith na llond bws o ddarlithwyr holl acadymis elitaidd Cymraeg - Meleri Morris, Pontadawe, mewn llythyr yn 'Y Cymro' yn canmol cyfraniadau John Hartson ar raglen 'Sgorgio', S4C.
- Dwi'n meddwl y dylai'r Orsedd fod yn wledd i'r llygad ac yn rhywbeth cyffrous yn weledol - Ela Jones, Ysbyty Ifan, sydd newydd ei dewis yn Feistres y Gwisgoedd Gorsedd y Beirdd.
- Cyfrwng . . . yw eglwys - nid diben. Cyfrwng gwaith achubol Duw yn ei fyd. A chredaf y gallwn geisio gwneuthur hynny yn well gyda'n gilydd - nid ar wahân - Arthur Meirion Roberts, Pwllheli, yn trafod undod eglwysig yn 'Y Goleuad'.
- Dydw i ddim yn chwarae golff, felly ar ôl i mi ymddeol dw i'n siŵr y bydda i'n gwneud yn union yr un pethau . . . dilyn bywyd gwleidyddol a diwylliannol Cymru, cadw mewn cysylltiad gyda phawb a thrio peidio â mynd yn hen - Gwilym Owen, ar drothwy ei ben-blwydd yn 80 yn cyhoeddi y bydd yn ymddeol fis Gorffennaf.
- Rydym yn delio gydag un o'r darnau mwyaf annheg o ddeddfwriaeth, cyn belled ag y mae Cymru yn y cwestiwn - yn ymateb i gynlluniau i leihau nifer aelodau seneddol Cymru.
Ei hanfarwoli gan ofid
Mewn rhyw sinema ddwy a dimai ddigon shabi yng Nghroesoswallt bron i ddeugain mlynedd yn ôl y gwelais i'r ffilm ddadleuol Last Tango in Paris gyntaf.
Yr oedd yn dipyn o antur. Yn un o'r pethau hynny i'w ychwanegu at foddi cath a phrynu caneri T H Parry-Williams gan fod hon yn ffilm oedd yn destun dadlau mawr ar y pryd a rhai lleoedd yn gwrthod caniatâd i'w dangos.
Yr oedd yn rhywfaint o syndod nad oedd tref geidwadol barchus Croesoswallt yn un o'r rheini.
