Darlith Undeb
Cenhadon a fu'n gwasanaethu yn India yn y bedwaredd ganrif ar bymtheg fydd testun darlith Undeb Cymru a'r Byd ar faes yr Eisteddfod yn Wrecsam ddydd Iau.
Traddodir y ddarlith, William a Mary Lewis, Cherrapuji a Wrecsam, gan y Parchedig Elfed ap Nefydd Roberts a fu'n weinidog gyda'r Presbyteriaid yn Wrecsam ac yn bennaeth y Coleg Diwinyddol yn Aberystwyth.
Cymuned ym mynyddoedd Casia oedd Cherrapunji a chyrhaeddodd William a Mary Lewis yno yn 1843.
Traddodir y ddarlith ym Mhabell y Cymdeithasau 2 am 11.30 o'r gloch ac fe'i dilynir gan gyfarfod blynyddol Undeb Cymru a'r Byd.
