Gwobr Pat Neill
Bydd ferch ifanc sy'n derbyn Gwobr Pat Neill i feirdd ifanc yn y Babell Lên bnawn Iau yn pontio'r blynyddoedd ag Eisteddfod Genedlaethol Wrecsam 1933.
Cyn Ymryson y Beirdd yn y Babell bydd cadair fechan Gwobr Pat Neill yn cael ei chyflwyno i Magi Tudur, Penisa'rwaun ger Caernarfon.
Yn ferch i Tudur Huws Jones golygydd Yr Herald Cymraeg ac Anna Marie, Radio Cymru, mae Magi o linach bardd o'r enw Cyngar - R E Jones o Lanberis - a oedd yn ei ddydd yn ddylanwad mawr ar T Rowland Hughes.
"Ac yr oedd Cyngar," meddai Dafydd Islwyn, ysgrifennydd Barddas, sy'n trefnu Gwobr Pat Neill "yn gyd enillydd yn Wrecsam yn 1933 gyda'i englyn, Aderyn y To."
Y dasg yn awr, wrth gwrs, yw bod y cyntaf i anfon geiriau Aderyn y To i flog Cylchgrawn.
- Mae elfen o dristwch i'r gystadleuaeth boblogaidd hon i feirdd ifanc eleni gan i Pat Neill a'i sefydlodd yn 1987 farw yn sydyn wythnos cyn yr Eisteddfod.
O dras Wyddelig, uniaith Saesneg oedd Pat, pan ddaeth i Gymru gyntaf wedi ymddeol o fod yn athro yn Southampton. Yn byw yng Nghross Inn dysgodd nid yn unig y Gymraeg ond y cynganeddion hefyd ac yr oedd yn ymwelydd selog â'r Eisteddfod.
SylwadauAnfon sylw
S'mai Glyn.
Gresynu na allem fod yn y Steddfod eleni yn Wrecsam.
Cymryd diddordeb yn y cystadlu ar y wefan wrth gwrs.
A oes posib dweud o le daw y buddugwyr yn ogystal a'u henwau.
Tangnefedd. John O.P. Vancouver