A' fosgladh leabhair ùir
Thà inig faireachdainn neònach orm an-dè nuair a ghabh mi leabhar-nòta ùr bhon phreas agus sgrìobh mi na faclan 'Taghadh 2011' air a' chòmhdach.
'S i an tìm a ruitheas.
Ach a-nis tha barrachd fiosrachaidh againn mun iomairt a tha romhainn, fiosrachadh air am bi an dà chuid luchd-poileataigs agus luchd-naidheachd a' toirt sùil gu math geur.
Rinn an t-Àrd Ollamh David Denver sgrùdadh air na dh'fhaodadh tachairt nan robh air an cleachdadh aig an taghadh Albanach mu dheireadh ann an 2007.
Niste, feumaidh sinn a bhith air leth faiceallach le seo - nan robh na crìochan ùra ann bhiodh dol a-mach eadar-dhealaichte aig na pà rtaidhean poileataigeach agus aig co-dhiù cuid den luchd-bhòtaidh.
Aig a dh'aindeoin an rabhaidh chudromaiche sin, 's e sgrùdadh air leth inntinneach a tha ann - .
Tomhas
A-rèir na h-aithisg, dh'fhaoidte gum biodh trì seataichean a bharrachd aig na Tòraidhean nan robh na crìochan ùra gan cleachdadh ann an 2007.
Tha an t-Àrd Ollamh Denver a' tomhas gum biodh dà sheat na bu lugha aig na Là baraich agus fear a bharrachd aig na Lib Deamaich.
B' e an SNP am pà rtaidh a bu mhotha fhathast, a dh'aindeoin mar a chailleadh iad fear de na seataichean a tha aca an-drà sta.
Chumadh am ball neo-eisimileach, Margo NicDhòmhnaill, an seat aicese, ach chailleadh na h-uinich fear den dithis bhall a tha acasan.
'S iad dìreach na prìomh phuingean, agus feumaidh sinn cùram a ghabhail leotha.
Ach tha dealbh raon blà r na h-ath-bhliadhna a' fàs nas soilleire.
Is mise Niall O’Gallagher. Bidh mi a’ blogadh an seo mu chùisean poileataigeach ann an Alba.
