Y rowndiau olaf
Tridiau i fynd. Beth fydd straeon mawr dyddiau ola’ yr ymgyrch, tybed? Yn sgil yr arolygon barn diweddaraf dwi'n disgwyl i'r pleidiau eraill ganolbwyntio eu hymosodiadau ar Blaid Cymru ac yn fwyaf enwedig ar ei chynlluniau gwariant.
Mae'r tair plaid arall i gyd yn argyhoeddedig bod Plaid heb wneud ei symiau ac na fyddai gan lywodraeth Plaid Cymru ddigon o arian i ariannu ei haddewidion. Mae Llafur eisoes wedi rhyddhau cyfres o ddatganiadau yn honni mai'r unig ffordd y gallai Plaid gadw ei haddewidion fyddai trwy rewi cyflogau yn y sector gyhoeddus. Dwi'n disgwyl ymosodiad tebyg gan y Torïaid yn ystod y dyddiau nesaf.
Mae'n amlwg bod Plaid Cymru hefyd yn rhagweld ymosodiadau o'r fath. Yfory fe fydd y Blaid yn amddiffyn ei chynlluniau ac yn esbonio'r fethodoleg y tu ôl i'w ffigyrau. Dwi'n meddwl y gallai hon fod yn ffrae eithaf chwerw ond fe allai hefyd droi yn ddadl gymhleth ac annealladwy am ystadegau. Os felly gwnaiff hi fawr o wahaniaeth i'r frwydr etholiadol.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Vaughan - Gobeithio'n fawr y gelli egluro'r ffeithiau yma i ni!! Mae'n andros o job dadansoddi pa un o'r pleidiau sydd yn deud y gwir unryw amser, on amser etholiad mae hi'n amhosib...does ddim syndod fod yna ddiffyg diddordeb mewn gwleidyddiaeth ac etholaethau. Hefyd be ydy'r diweddaraf ynglyn a'r ffrae yng Ngorllewin Clwyd?
Fe wnai'r gorau gallai Arfon er fy mod yn ei chael hi'n annodd i ddeall fy nghyfri banc fy hun weithiau! Dwy ddim wedi clywed dim byd mwy am Orllewin Clwyd heddiw.