Y frwydr fawr nesaf- Gorllewin Morgannwg
Ar 么l canfod dwsin o seddi ddiddorol yn y Gymru wledig mae'n bryd troi i'r de diwydiannol nesaf sydd o hyd yn frith o gadarnleoedd Llafur. Yn rhanbarth Gorllewin De Cymru er enghraifft dim ond un sedd seneddol sydd o ddiddordeb.
Ar lefel y cynulliad gallai Castell Nedd fod yn ddifyr tro nesaf yn enwedig os ydy Gwenda Thomas yn ymddeol a Bethan Jenkins yn penderfynu mentro mewn etholaeth yn hytrach na rhanbarth. Ond yn seneddol does dim peryg o gwbwl i Peter Hain. Mae hynny ond yn gadael Gorllewin Abertawe fel sedd a allai newid dwylo.
Gorllewin Abertawe yw'r unig etholaeth (ac eithrio Wrecsam efallai) lle mae gan y Democratiaid Rhyddfrydol obaith o gipio sedd. Y dasg i'r blaid yw ceisio gwasgu'r bleidlais Geidwadol. Gallai hynny fod yn anodd os ydy'r Ceidwadwyr yn mabwysiadu Rene Kinzett wnaeth sefyll dros y Democratiaid Rhyddfrydol y tro diwethaf fel eu hymgeisydd nhw. Ers newid ei liw mae Rene yn dwli tynnu blew o drwyn ei gyn-blaid.
Ar yr ochr Lafur mae'r strancs rhyfedda wedi bod wrth ddewis ymgeisydd i olynu tad T欧'r Cyffredin, Alan Williams. Fe benderfynodd y blaid gynnal y gynhadledd ddewis yn gynnar ar 么l i un o'r darpar ymgeiswyr, Dr. Parvaiz Ali, ddechrau recriwtio aelodau'n egniol ymhlith y lleafrifoedd ethnig. Rhaid pwysleisio nad oedd Dr. Ali yn gwneud unrhyw beth oedd yn groes i reolau'r blaid ond canlyniad ei ymdrechion oedd cynhadledd oedd wedi ei pholareiddio ar hyd llinellau ethnig. Fe enillodd Dr. Ali'r y bleidlais gyntaf yn y gynhadledd ond heb fwyafrif digonol. Dim ond yn y bleidlais olaf un gyda'r 鈥渂leidlais wen鈥 wedi cronni u tu cefn i un ymgeisydd y collodd y meddyg.
Geraint Davies cyn aelod seneddol Croydon Central yw'r ymgeisydd newydd. Gallai hynny fod yn newyddion drwg i'r Democratiaid Rhyddfrydol. Dw i'n meddwl bod hi'n deg i ddisgrifio Geraint fel Peter Black y Blaid Lafur. Dyw e ddim yn ddyn carismataidd na lliwgar ond fe wnaiff e weithio a gweithio a gweithio i sicrhai ei fod yn cadw'r sedd. Mae'r ffaith ei fod wedi symud ei deulu o Croydon i Abertawe er mwyn ceisio am yr enwebiad yn brawf o'i ddycnwch ac ymroddiad. Heb os fe fydd Geraint yn ceisio matsio'r Democratiaid Rhyddfrydol taflen am daflen, deiseb am ddeiseb yn ystod yr ymgyrch ac fe fydd e'n ddyn anodd iawn i guro.
Golygydd Materion Cymreig y 大象传媒 yn blogio'n rheolaidd ar faterion gwleidyddol Cymru.
SylwadauAnfon sylw
Bethan Jenkins i sefyll yn Nghastell Nedd yn y Cynulliad? Beth am Alun Llewellyn?