Erchyll Law Brad
Bore'r cynadleddau newyddion yw bore Mawrth yn y cynulliad. Heddiw roedd 'na bedair, un yr un gan Blaid Cymru, y Ceidwadwyr a'r Democratiaid Rhyddfrydol ac un gan Carwn Jones ar ran y llywodraeth. A bod yn onest roedd cynadleddau heddiw yn rhai digon di-liw gydag ambell i eithriad.
Dyna i chi Peter Black yn cyfeirio at Lafur, y Ceidwadwyr a Phlaid Cymru fel "the three major parties in Wales" Wps!
Tamaid i aros pryd oedd hynny. Cynhadledd newyddion y Ceidwadwyr oedd y prif gwrs. Mae cynadleddau wythnosol y Ceidwadwyr yn bethau digon rhyfedd. Yn lle dewis eu pwnc trafod eu hun fel mae'r pleidiau eraill yn gwneud mae Nick Bourne jyst yn eistedd wrth y bwrdd gan adael i'r newyddiadurwyr lywio'r drafodaeth i ba bynnag cyfeiriad sy'n apelio.
Dydych chi ddim yn ennill pysgodyn aur am ddyfalu mai sylwadau diweddar Jonathan Morgan oedd at ddant pac y wasg heddiw. Dywedodd Nick nad oedd eto wedi "cael cyfle i sgwrsio" a Jonathan er bod Alun Cairns (y chwip) wedi cael "gair bach". Mynnodd Nick na fyddai ymosodiad ffyrnig Jonathan arno fe a'i bolisïau yn cael unrhyw effaith ar etholiad Ewrop. Doedd e ddim am gosbi Jonathan chwaith. "Nid dyna yw fy steil" meddai.
Arwydd o steil Nick Bourne... neu arwydd o wendid ei gefnogaeth? Cewch chi benderfynu.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Mae'r hen Peter Black yn rhyfeddol yn tydi? Mae'n biti nad ydi o'n gyfrifol am ymgyrchyrchoedd ei blaid.
Tafod yn dy foch, dwi'n cymryd! I'r rheiny sy ddim yn gwybod Peter yw cadeirydd pwyllgor ymgyrch Ewrop.
To be fair I used that phrase in the context of a question as to who the Welsh Liberal Democrats main competitors were for the fourth seat. I would not therefore have included my own party in that answer.