Sibrydion
Mae Betsan yn y cyfri yn Hwlffordd ond heb fynediad i'r we. Mae gen i gyfrifiadur ond pa iws yw hynny yng Nghaerdydd? Fe wnawn ni weithio rhywbeth allan!
Dyma'r sibrydion sydd o gwmpas. Dydw i ddim yn gwarantu eu cywirdeb ond mae nhw'n dod o fwy nac un blaid.
Mae Llafur ar y blaen yng Nghasnewydd ac Abertawe ond dim ond o drwch blewyn. Dyw hynny ddim yn syndod gan fod y bleidlais wrth-Lafur ar wasgar yn y ddwy ddinas. Mae'r Ceidwadwyr ar y blaen ym Maldwyn, Dyffryn Clwyd a Gwyr. Cyn i nhw ddathlu gormod, os ydw i'n cofio'n iawn, roedd yr un peth yn wir yn yr etholiadau Ewropeaidd diwethaf.
Dyw hi ddim yn ymddangos y bydd un o'r pleidiau llai (ac yng nghyswllt Ewrop mae hynny'n cynnwys y Democratiaid Rhyddfrydol) yn gwneud yn ddigon da i ennill y bedwaredd sedd. Fe fydd honno, mae'n debyg, yn mynd i ba bynnag blaid sydd ar y brig. Os nad oes 'na ail gyfri disgwylir y canlyniad am ddeg o'r gloch.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Nosweth dda Vaughan. A fydd y canlyniadau fesul etholaethau unigol yn cael eu datgan, yn ogystal â chanlyniad Cymru gyfan? Does da fi ddim teledu, felly fan hyn y bydda i!
Unrhyw sibrydion am y bleidlais Llafur/Plaid ar draws cymoedd y de.
Mi fyddan nhw p'un ai y cawn ni nhw heno sy'n fater arall.
Llafur yn dal 'mlaen mae'n debyg