Leighton a fi
Dim ond unwaith yr wyf wedi sefyll mewn etholiad ac etholiad Undeb Myfyrwyr oedd hwnnw. Fe wnes i golli. I Leighton Andrews. Roedd hynny yn ddigon i'm perswadio mai edrych ar wleidyddiaeth o'r tu fas oedd y llwybr cywir i fi mewn bywyd!
Ta beth, os nad yw pawb yn darllen yr ymysgaroedd yn anghywir, y prynhawn yma fe fydd Carwyn Jones yn cael ei ethol yn arweinydd Llafur. I Leighton y bydd y rhan helaeth o'r diolch am hynny. Etholiad Carwyn i'w golli oedd hwn. Roedd yn weddol saff o'i ennill os oedd ganddo ymgyrch effeithiol a does neb yn well trefnydd ymgyrch na Leighton. Rwy'n gwybod hynny o brofiad!
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Hynny reit ddiddorol! gai ofyn i ba Goleg?
Sut oedd Leighton pan oedd en myfyriwr? dwi ddim yn gweld o fel y teip oedd yn mynd allan yn aml? spill!!!
Teg yw dweud nad oedd yn rafin! Dydw i ddim yn gallu cofio beth yn union oedd y swydd ond rwy'n cofio fy mod wedi cael crasfa!