´óÏó´«Ã½

Derbyniais un o'r e-byst firaol yna'r dydd o'r blaen yn awgrymu sloganau i'r pleidiau ar gyfer etholiad cynulliad 2011. Dydyn nhw ddim yn gweithio cystal yn Gymraeg ond dyma nhw. "Amddiffyn Cymru" oedd yr awgrym i Lafur a "Gobaith i Gymru" oedd un Plaid Cymru. Awgrymwyd "Penderfyniadau Dewr dros Gymru" ar gyfer y Ceidwadwyr. A'r Democratiaid Rhyddfrydol? Wel y slogan oesol, wrth gwrs "Dim ond y Democratiaid Rhyddfrydol all guro X yn fan hyn"!

Trwy ryfedd wyrth fe gyrhaeddodd yr e-bost munudau'n ddiweddarach munudau i un gan y blaid felen yn cychwyn fel hyn;

Aberconwy Lib Dems, having polled more votes than Plaid Cymru in the recent General Election, are targetting the Plaid held Aberconwy seat for the Welsh Assembly.

Fedra i weld y "bar-chart" yn barod!

Mae 'na bleidlais arall i ddod cyn etholiad y Cynulliad wrth gwrs sef y refferendwm. Disgwylir i'r ymgyrch "ie" gael i lansio'n gymharol fuan yn sgil cyfarfod yr wythnos hon rhwng pwyllgor llywio'r ymgyrch ac arweinwyr y pedair plaid yn y Cynulliad hwnnw. Un penderfyniad i leihau'r baich ar ysgwyddau Rhodri Morgan - un o brif asedau'r ymgyrch, yw'r penderfyniad y dylai rhyw un arall gadeirio cyfarfodydd y pwyllgor llywio o hyn ymlaen. Sgwn i a fydd aelodau'r pwyllgor yn colli clywed hanesion a straeon difyr Rhodri yn eu cyfarfodydd?

• Llyfrnodi gyda
• del.icio.us |
• Digg |
• Newsvine |
• |
• Reddit
• - Beth yw hwn?