تبصرےتبصرہ کریں

• 1. 13:19 2007-02-22 ,Sajjadul Hasnain :

  سب سے دلچسپ تو مورل آف دی اسٹوری ہے۔ وسعت بھائی آپ نے صرف تاريخ کے پنے نہيں الٹے ہيں بلکہ موجودہ حکمرانوں کو کچھ پڑھانے کی بھی کوشش کی ہے۔ ويسے قائد اعظم کا يہ اعلان کہ ’مملکت خداداد ميں آج کے بعد ہندو ہندو نہيں رہے گا، عيسائی عيسائی نہيں اور مسلمان مسلمان نہيں ‘ مگر کيا آپ کو نہيں لگتا کہ آج کے حکمرانوں نے تکرار کی قطعی زحمت گوارہ نہيں کی۔

• 2. 14:46 2007-02-22 ,muhammad ahsan :

  اس ميں کوئی شک نہيں کہ آپ کے بلاگز بہت دلچسپ ہوتے ہيں مگر اب کی بار يا تو ميں سمجھ نھيں پايا يا آپ بتا نہيں پائے کہ آخر کہنا کيا چاہ رہے ہيں۔

• 3. 15:13 2007-02-22 ,Fawad Ahmed :

  جناب وسعت صاحب آپ تو مرحومہ ظل ہما صاحبہ کے قاتل کے ليے مولوی کا لفظ استعمال نہ کريں۔ يہ شخص کسی طرف سے مولوی نہيں ہے۔ نہ ہی يہ مولوی کے نام سے اپنے علاقہ ميں مشہور تھا۔ ليکن روشن خيال ميڈيا نے اس واقعہ کے بعد اسے اس نام سے مشہور کر ديا۔ رہی بات قائد اعظم کی 11 اگست والی تقرير کی تو جناب کوئی اسلام کا صحيح فہم رکھنے والا شخص اس سے سيکولر معاشرت نہيں نکال سکتا۔ چليں يہ بھی مان ليں کہ اس تقرير سے سيکولرازم کی بو آتی ہے تو قائد کی ان بےشمار تقريروں کو آپ کہاں لے کر جائيں گے جن میں دو ٹوک اس بات کا اعلان کيا گيا ہے کہ پاکستان ميں قرآن و سنت کی عملداری ہو گي۔

• 4. 15:54 2007-02-22 ,سيد رضا ، برطانيہ :

  محترم وسعت اللہ خان صاحب ، آداب عرض ۔
  انتہائی خوبصورتی سے آپ نے سال بہ سال، منظر بہ منظر ياداشتيں پوري سچائی سے سُپردِ قلم کرديں۔
  جو حرفِ حق تھا وہی جا بجا کہا سو کہا
  بلا سے شہر ميں ميرا لہو بہا سو بہا
  اپنا اور اپنے قلم کا خيال رکھيئے گا۔ خدا مزيد وسعتِ قلم عطا کرے
  خير انديش
  سيد رضا

• 5. 16:15 2007-02-22 ,Mian Asif Mahmood :

  وسعت بھائی اب تو يہ عالم ہے کہ چوپنے والے بھی ماضی کا قصہ ہونے والے ہيں جو ملک قائد اعظم اور ان کے ساتھيوں نے بڑی مشکل سےحاصل کيا تھا اور بقول قائد ’آج کے بعد مملکتِ خداداد میں ہندو ہندو نہیں رہے گا۔ عیسائی عیسائی نہیں اور مسلمان مسلمان نہیں۔ مذہبی معنوں میں نہیں بلکہ سیاسی معنوں میں۔ ریاست کے نزدیک سب لوگ بلا امتیازِ مذہب و ملت برابر کے شہری ہوں گے‘ کے بر عکس ملاؤں نے اغوا کر ليا اور پھر آنکھوں نے شرم ناک منظر ديکھے واقعات سنے اور بگھتے بھي بالکہ حنوز بھگت رہے ہيں۔
  ميں نے انسان کو کيا قتل خدا کی خاطر
  يہ عمل لے کر چلا روز ِجزا کی خاطر
  

• 6. 21:28 2007-02-22 ,Anees78 :

  محمد علی جناح ایک سمجھ بوجھ رکھنے والے باشعور رہنما تھے۔ لیکن بعد میں آنے والوں نے ملک ان لوگوں کے ہاتھوں میں دے دیا جو اس کے قیام کے ہی مخالف تھے اور جو ملک بنانے میں شانہ بشانہ تھے ان کو غدار قرار دیدو اور خود مالک بن بیٹھو۔ ظلم یہیں ختم نہیں ہوتا، تاریخ بدل ڈالو، دھونس دھاندلی سے نعرے لگا کر کسی کو غدار قرار دو، کسی کو اسرائیل کا ایجنٹ کہو، ملک میں فرقہ واریت پھیلاؤ پھر دیکھو کیسے ترقی کرتا ہے۔ یہی ان لوگوں کا ایجنڈا تھا جس میں وہ کامیاب ہیں۔

• 7. 8:01 2007-02-23 ,طارق :

  خان صاحب يہ پاکستان کی ماضی کی تاريخ کی روشنی ميں ذرا مستقبل پر بھی روشنی ڈالئے!

• 8. 15:30 2007-02-24 ,shahidaakram :

  ہميشہ کی طرح وُسعت بھائی لگتا ہے دل کھول کر رکھ ديا ہے آپ نے اور ساتھ ساتھ ہميں بھی اس بے چينی ميں ڈال ديا ہے کہ ہم کہاں جا رہے ہيں۔ ان اعداد و شُمار کو تاريخوں کے ساتھ ديکھ کر تو ايسا لگتا ہے ترقی کی کسی منزل کو ہم نے کبھی چُھوا ہی نہيں بس صرف اُلٹے سيدھے بل پاس کرتے اور کرواتے رہتے ہيں اور خود کو کوئی طُرّم خان قسم کی چيزسمجھ ليتے ہيں حالانکہ مملکت خُداداد کو مملکت خُداداد بنانے والے توشايد خود خدائی کے دعوے دار بن رہے ہيں۔